“Zamin”ni Telegramʻda oʻqing! Join!
Zamin.uz
, 15 2021, 06:47
ЎЗO‘Z

Shomurodov Messiga o‘xshashni istamadi: Bo‘ldi, meni ortiq maqtamang!

15 yanv, 23:30 1 547 Sport
“Zamin”ni Telegramʻda oʻqing!
Shomurodov Messiga o‘xshashni istamadi: Bo‘ldi, meni ortiq maqtamang! Eldor Shomurodovning Italiya A Seriyasida ko‘rsatayotgan o‘yini muxlisu mutaxassislarga manzur bo‘lmoqda. Kuchli beshlik chempionatlari orasida o‘ziga xos murakkabligi bilan ajralib turadigan A Seriyaga umuman boshqa uslubni targ‘ib qiladigan o‘zbek va rus futbolidan kirib kelgan legioner qisqa fursatda futbol jamoatchiligi e’tiboriga tushdi.

Shomurodov oktabr oyida Italiyaga ko‘chib o‘tganidan keyin turlicha uslubga ega ikki bosh murabbiyni ko‘rdi. Har ikkisiga ham o‘zining joyi boshlang‘ich tarkibda ekanini isbotlab berishiga to‘g‘ri keldi. Avvaliga, o‘zbek futbolchisi uchun millionlar sarflanganini hazm qila olmagan genuyalik talabchan muxlislar ham sekin-asta Eldorning o‘yiniga maftun bo‘lib bormoqda.

Har holda o‘z qarashlarga ega bosh murabbiy Davide Ballardinidan muxlislar Shomurodovni muntazam boshlang‘ich tarkibda maydonga tushirishni talab qilayotgani ham shundan dalolat beradi. Yaxshi bilamizki, Yevropa futbolida klub rahbariyati ham, bosh murabbiy ham aksariyat holatlarda muxlislar istagini qabul qiladi va ular bilan hisoblashadi. Bo‘lmasa, bosimning tagida bo‘g‘ilib qolishi tayin...

Keyingi paytda Eldor Shomurodov italiyalik jurnalistlarning ham sevimli mavzusiga aylanib qolmoqda. O‘zi ham sekin-asta mashhurlik mas’uliyatiga ko‘niga boshlagan hamyurtimiz axborot manbalarida bo‘y ko‘rsata boshladi.

Italiyaning tuttoatalanta.com sayti mashhurLa Gazzetta dello Sport nashridan iqtibos keltirib, Shomurodov bildirgan fikrlarni omma e’tiboriga havola etdi. Eldor o‘ziga nega Rivaldo va Dide Drogba yoqishini va uni “o‘zbek Messisi” deb atashlariga javoban quyidagi pozitsiyasini bildirdi.

- Menga nega Rivaldo va Drogba yoqadi? Braziliyalik hujumchi men o‘ynagan “Bunyodkor”da to‘p tepgan. Drogba esa, men uchun o‘rnak va namuna.
Men “o‘zbek Messisi”manmi? Hozir fikru xayolim “Jenoa”da. Maqtovlar uchun kelajakda hali imkon bo‘ladi
, - dedi Shomurodov.

Shuningdek, O‘zbekiston milliy terma jamoasi hujumchisi Italiyadagi hayotida duch kelayotgan qiyinchiliklar, Yevropadagi faoliyatining o‘zbek futboliga ta’siri haqida ham gapirdi.

- Men “Jenoa”ga o‘tishga rozilik berganimda, Italiyada to‘qnash kelishim mumkin bo‘lgan qiyinchiliklar haqida bilardim. Oldimni o‘zimni ko‘rsatish uchun faqatgina bitta yo‘l bor edi. U ham bo‘lsa, qattiq mehnat qilish.

O‘zbekiston iste’dodlarga boy. Futbolchilarimiz xorijning kuchli ligalarida o‘zini ko‘rsatish imkoniyatiga ega bo‘lishga loyiq. Balki mening tajribam ularning shu yerlarga kelishiga yo‘l ochar. Bu bugungi kunda men uchun eng muhim masala
, - dedi Eldor Shomurodov.

Asli surxondaryolik futbolchi kuchli beshlik chempionatlari yuqori ligasida gol urgan birinchi va yagona o‘zbek futbolchisi hisoblanadi. “Jenoa” bilan 2024 yilga qadar shartnoma imzolagan legionerimiz shu kunga qadar A Seriya va Italiya kubogi bellashuvlarida 12 ta uchrashuv o‘tkazib, raqiblar darvozasiga bir juft gol urdi va jamoadoshlariga ikki marta golli pas uzatdi.

Ayni paytda 25 yoshli hujumchining o‘yinini boshqa jamoalar mutasaddilari ham kuzatib borayotgani haqida aytilmoqda.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • «Jenoa» so‘nggi soniyalarda gol o‘tkazib, g‘alabani qo‘ldan chiqardi (video) 08 dek, 08:28
  • Eldor Shomurodov «Parma»ga qarshi bahsda «Jenoa»ning eng yaxshi o‘yinchisi bo‘ldi 01 dek, 16:00
  • Mag‘lubiyat qimmatga tushdi. “Real” bosh murabbiyni almashtirmoqda 23 okt, 10:50
  • Eldor Shomurodov Italiya A Seriyasiga ko‘chib o‘tishi mumkin 29 sen, 16:14
  • Shomurodov RPL o‘tgan mavsumining eng yaxshi futbolchisi bo‘lishi mumkin 30 iyul, 21:37
  • Eldor Shomurodov va «Rostov» Yevropa Ligasini qaysi bosqichdan boshlashi ma’lum bo‘ldi 26 iyul, 13:12
  • So'nggi yangiliklar
  • "Paxtakor" futbolchisi OCHLda porlashi kutilayotgan iste’dodlar qatorida e’tirof etildi 15 apr, 00:00 672
  • Islom Karimovning nevarasi rossiyalik bloger Amiran Sardarovga turmushga chiqdi (video) 14 apr, 23:35 2 668
  • Mirjalol Qosimov "Al-Hilol"ga qarshi o‘yin oldidan matbuot anjumanida ishtirok etdi 14 apr, 23:09 1 231
  • Piter Xyuistra: "Xatolardan xulosa chiqaramiz" 14 apr, 22:59 1 151
  • Bayden va Putin Ukraina bo‘yicha gaplashishdi 14 apr, 22:37 1 712
  • "Paxtakor" nohaq penalti tufayli g‘alabani qo‘ldan chiqardi 14 apr, 22:09 1 928
  • “Yosh chegarachilar” harbiy-akademik litseyi o‘qishga taklif etadi 14 apr, 21:44 1 381
  • O‘zbekiston va Pokiston yetakchilari uchrashuvi bo‘lib o‘tdi 14 apr, 21:12 367
  • Poytaxtimiz O‘zbekiston poytaxtiga o‘xshasin-da! 14 apr, 20:44 2 001
  • Yo‘lda qush fojiaga sabab bo‘ldi 14 apr, 20:18 1 590
  • Shifokorlar koronavirusda o‘lim xavfini uch baravar oshiradigan omilni aniqlashdi 14 apr, 19:50 1 885
  • Samarqandda ofitsiant xo‘randadan qasos oldi 14 apr, 19:23 2 239
  • Bo‘limlar