“Qizilqum” 14 yanvarda Navoiyda mashg‘ulotlarni boshlashi ma’lum bo‘ldi. Tarkibda esa tabiiyki o‘zgarishlar bo‘lishi shubhasiz.
Yaqinda AGMKning gruziyalik hujumchisi Mate Vatsadzening yana “Qizilqum”ga qaytayotgani haqida xabar bergandik. Bu xabar o‘z tasdig‘ini topdi. Negaki, “Qizilqum” bosh murabbiyi Hamidjon Aktamov uning yana “Qizilqum”da to‘p surishini tasdiqladi.
Shuningdek, u Vatsadzedan tashqari Elguja Grigalashvilini ham klubga qaytganini ma’lum qildi. Gruziyalik ikkala futbolchi ham AGMKga aynan “Qizilqum”dan ko‘chib o‘tgandilar. O‘tgan yilgi chempionatda Vatsadze 5 ta, Grigalashvili esa 7 ta gol urdi.