Jasur Fozilov.Ijtimoiy tarmoqlar orqali Prezidentga murojaat qilgan Buxoro shahri prokurori Jasur Fozilov yashirinib olgani aytilmoqda.
Prokurorga nisbatan xizmat tekshiruvi o‘tkazayotganlarga yaqin manbalarga ko‘ra, ayni jarayonda yuzaga kelgan savollarga izoh olish uchun J.Fozilov chaqirtirilgan. Biroq u ko‘rinish bermagan, bu esa uning yashirinib olgani ehtimolini oshirmoqda.
«Xabar.uz»ning mazkur holat yuzasidan so‘roviga javoban, Bosh prokuratura matbuot xizmati xolislik nuqtai nazaridan, xizmat tekshiruvi yakunigacha ma’lumot berish maqsadga muvofiq emasligi bildirib, natijasi haqida batafsil axborot e’lon qilinishini takror ma’lum qildi.