Bojxona organlari tomonidan giyohvandlik vositalarining noqonuniy aylanmasiga qarshi tizimli ravishda kurash olib borilmoqda.Xususan, Davlat bojxona qo‘mitasi Kontrabandaga qarshi kurashish va bojxona auditi bosh boshqarmasi xodimlari Davlat xavfsizlik xizmati vakillari bilan hamkorlikda giyohvandlik vositalarining yashirin aylanmasiga qarshi tezkor tadbir o‘tkazishdi.
Tezkor tadbir davomida, Chilonzor tumanida fuqaro P.G. to‘xtatilib, egnidagi kiyimlari cho‘ntaklari ko‘zdan kechirilganida, ushbu shaxsning yonida 10 gramm “opiy” giyohvandlik dori vositalari borligi aniqlandi. Shundan so‘ng ushbu shaxsning yashash xonadoni ham ko‘zdan kechirilganida, mazkur xonadonda 7 dona tramadol giyohvandlik vositasi borligi aniqlandi.
Tezkor tadbir davom ettirilib, fuqaro K.M.ning Shayxontohur tumanidagi yashash xonadoni ham o‘rnatilgan tartibda ko‘zdan kechirildi.
Natijada, ushbu xonadonda 24 gramm “opiy” va 0,5 ml. “opiy” suyuqligi va 2 gramm “marixuana” giyohvandlik vositasi borligi aniqlandi.
O‘tkazilgan tezkor tadbir davomida jami 34 gramm “opiy”, 0,5 ml. opiy suyuqligi va 2 gramm “marixuana” giyohvandlik vositalari ashyoviy dalil sifatida olindi. Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.