Foto: «Ferra.ru»2020 yilning 13 noyabridan yana ikki ayfon: «iPhone 12 mini» hamda «iPhone 12 Pro Max» sotuviga start beriladi. Reliz arafasida bu smartfonlarning tafsilotlari, xususan, kamchiliklari («iPhone 12 mini») ham ochiqlanmoqda, deb yozmoqda «Ferra.ru».
5,4 dyuymli «iPhone 12 mini» — «Apple» 2020 yilda taqdim etgan flagmanlarning eng kichkinasi. Bu smartfonning «aybi» kichikligida, shuning uchun ham muqobil ishlash davri cheklangan (ajralmas akkumulatori hajmi kichik). Sharhlovchilarga ko‘ra, juda faol ishlatilmasa mini ayfon quvvatni bir kunga ushlab beradi. Bu borada uning ahvoli, «iPhone SE» (2020)ni istisno qilganda, barcha ayfonlarnikidan yomon.
Rasmiy ma’lumotlarga ko‘ra, «iPhone 12 mini» bir quvvatlanishda 15 soatgacha tinmay video ko‘rishga yaraydi. Solishtirish uchun: oddiy «iPhone 12»da — 17 soat, «12 Pro Max»da — 20 soat to‘xtovsiz video ko‘rish mumkin.