“Zamin”ni Telegramʻda oʻqing! Join!
Zamin.uz
, 05 2020, 01:03
ЎЗO‘Z

Monopoliyaga qarshi kurashish qo‘mitasi sudda UzAuto Motors kompaniyasiga yutqazdi

30 okt, 19:53 1 045 Jamiyat
“Zamin”ni Telegramʻda oʻqing!
Monopoliyaga qarshi kurashish qo‘mitasi sudda UzAuto Motors kompaniyasiga yutqazdi Toshkent shahar ma’muriy sudida 30 oktabr kuni UzAutoMotors AJning O‘zbekiston Monopoliyaga qarshi kurashish qo‘mitasi maxsus komissiyasining 21/31-sonli ishiga oid 2020 yil 19 avgustdagi qarorini haqiqiy emas deb topish to‘g‘risidagi shikoyat arizasini ko‘rib chiqish bo‘yicha o‘tkazilayotgan sud jarayoni davom etdi. Ushbu ma’muriy ish sudya G‘.Davlatov raisligida ko‘rib chiqildi.

Qayd etilishicha, bugungi jarayon ochiq sud majlisida davom ettirildi va dastlab Monopoliyaga qarshi kurashish qo‘mitasi vakili S.Atamuratov sudga iltimosnoma bilan murojaat qilib, unda ishni ko‘rishda jamiyat iste’molchilarini hamda Azimavtomotive MCHJni mustaqil talab bilan arz qilmaydigan uchinchi shaxs sifatida jalb qilishni so‘radi.

Mazkur iltimosnoma taraflar o‘rtasida muhokama qilingach, sudning ajrimiga asosan jamiyat iste’molchilari soni va shaxsi aniq emasligi hamda shikoyat talabi ularning huquq va manfaatlariga bevosita ta’sir ko‘rsatmasligi sababli iltimosnomani qanoatlantirish rad etildi.

Shundan so‘ng Monopoliyaga qarshi kurashish qo‘mitasi vakili S.Atamuratov sudga ikkinchi iltimosnoma bilan murojaat qilib, unda UzAuto Motors AJ vakili N.Otaxonovaning tuhmat va haqoratdan iborat bo‘lgan xatti-harakatlariga qonuniy baho berishni so‘radi.

Mazkur iltimosnoma yuzasidan taraflar fikri so‘ralgach sudning yakuniy hal qiluv qarori e’lon qilinganda tushuntirish berilishi ma’lum qilindi. Shundan so‘ng taraflarning asosiy shikoyat arizasi yuzasidan fikrlari tinglanib, muzokara so‘ziga kirishildi.

Dastlab, muzokara so‘zida arizachi UzAuto Motors AJ vakillari L.Erdonayev va R.Shaymardanov o‘z fikrlarini bildirdi. Shundan so‘ng muzokara so‘zida javobgar MQKQ vakillari B.Ummatov, U.Davletov, Sh.Shadmankulov va S.Atamuratovlar o‘z fikr-mulohazalarini bildirishdi.

Ishda ishtirok etuvchi Toshkent shahar prokurori yordamchisi E.Vohidovning ish yuzasidan shikoyat arizasini qanoatlantirish haqidagi muzokara so‘zi tinglandi. Shundan so‘ng sud hal qiluv qarori qabul qilish uchun maslahatxonaga kirdi.

Toshkent shahar ma’muriy sudining 2020 yil 30-oktabrdagi hal qiluv qaroriga asosan arizachi UzAuto Motors AJning javobgar Monopoliyaga qarshi kurashish qo‘mitasiga nisbatan Maxsus komissiyasining 21/31-sonli ish bo‘yicha 2020 yil 19 avgustdagi qarorini haqiqiy emas deb topish haqidagi shikoyat arizasi qanoatlantirildi.

Monopoliyaga qarshi kurashish qo‘mitasi Maxsus komissiyasining 21/31-sonli ishi bo‘yicha 2020 yil 19 avgustdagi qarori haqiqiy emas deb topildi.

Monopoliyaga qarshi kurashish qo‘mitasidan arizachi UzAuto Motors AJ foydasiga shikoyat keltirishda to‘langan davlat boji 2 230 000 so‘m va 20 000 so‘m pochta xarajatlari undirish belgilandi.

Shuningdek, Monopoliyaga qarshi kurashish qo‘mitasi tomonidan qonun hujjatlari talablari buzilganligi holati yuzasidan xususiy ajrim chiqarish yo‘li bilan munosabat bildirildi.

Sudda raislik qiluvchi ushbu hal qiluv qarori e’lon qilinganidan so‘ng taraflarga nima sababdan sud ushbu xulosaga kelganligi va sudning hal qiluv qaroriga nisbatan shikoyat keltirish muddati va tartibi to‘g‘risida tushuntirish berdi.

Eslatib o‘tamiz, UzAuto Motors va Monopoliyaga qarshi kurashish qo‘mitasi o‘rtasidagi avtomobil narxlari bilan bog‘liq sud jarayoni 2 oktabr kuni boshlangan, 9 oktabrda o‘tkazilgan sud majlisida UzAuto Motors tovarlar narxini shakllantirish maxfiy hujjatlarga asoslanganini bildirgan va sud 16 oktabrdagi majlisda ishni yopiq tartibda ko‘rishni boshlagan.

Oldinroq Monopoliyaga qarshi kurash qo‘mitasining maxsus komissiyasi tomonidan o‘tkazilgan tekshiruvlar kompaniya avtomobil narxlarini 3 million so‘mdan 19 million so‘mgacha asossiz oshirganini tasdiqlagan, narxlarning asossiz oshirilgan qismlarini bekor qilib, avtomobillarni kamaytirilgan narxlarda sotish bo‘yicha ko‘rsatma bergan edi. UzAuto Motors esa bunga «avtomobillar narxi asosli va hozir narxni pasaytirish imkonsiz» deya javob qaytargan edi.

Kompaniya o‘shanda Monopoliyaga qarshi kurashish qo‘mitasining bayonotlarini populistik, harakatlarini esa mas’uliyatsizlik deb atagan va ushbu ssenariy eng yirik milliy korxonalardan birini bankrotlikka olib kelishi mumkinligini aytgan edi.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Deputatlar UzAuto Motors ustidan bosh prokurorga so‘rov kiritdi 21 avg, 23:26
  • UzAuto Motors Monopoliyaga qarshi kurashish qo‘mitasi qoshidagi maxsus komissiya qarori ustidan sudga shikoyat qilmoqchi 20 avg, 20:14
  • Monopoliyaga qarshi kurashish qo‘mitasining qarorlari yuzasidan faqatgina Oliy sudga shikoyat qilinadi 03 avg, 08:55
  • “UZAUTOMOTORS” AJga nisbatan ish qo‘zg‘atildi 29 iyul, 22:10
  • Monopoliyaga qarshi kurashish qo‘mitasi Uzcard’ning banklarga 0,25 foizli komissiya belgilagani bo‘yicha o‘rganish o‘tkazadi 04 мая, 10:31
  • Bloger qiz reklamasiga aralashgan narkotiklar bo‘yicha ish ko‘rib chiqildi 20 yanv, 14:59
  • So'nggi yangiliklar
  • Suyaklar mustahkam bo‘lishi uchun qanday ovqatlanish kerak? 05 dek, 00:13 0
  • Fazliddin G‘oibnazarov 5 dekabr kuni o‘zining navbatdagi jangini o‘tkazadi 04 dek, 23:44 158
  • Kutilmagan yangilik. Tedesko O‘runovdan voz kechdi! 04 dek, 23:15 279
  • “Jenoa” muxlislari Shomurodovdan xet-trik talab qilyapti! 04 dek, 22:43 383
  • Yilning eng yaxshi filmlari e’lon qilindi 04 dek, 22:15 702
  • Karantin qoidalarini mensimaslik jarima to‘lashga sabab bo‘ladi 04 dek, 22:00 635
  • Olimlar koronavirusning yo‘lini to‘sadigan mahsulotlarni aniqlashdi 04 dek, 21:31 799
  • Yuk avtotransport xatlanganch, qarzdorlik to‘lab berildi 04 dek, 21:00 332
  • Gulnora Karimova Shveysariyadagi sudda yutib chiqdi 04 dek, 20:20 1 331
  • Sovuq mavsumda lablar qurimasligi uchun 5 ta foydali maslahat 04 dek, 19:45 374
  • Shimoliy Koreya karantinbuzarlarga shafqat qilmayapti 04 dek, 19:11 1 161
  • Shavkat Mirziyoyev yangi zavod hududida daraxt ko‘chati ekdi (foto) 04 dek, 18:36 550
  • Bo‘limlar