Internetlarda koronavirus mutatsiyaga uchrashi haqida ko‘p yozilmoqda. Koronavirus infeksiyasi mutatsiyaga uchrashi mumkinmi va u qanday asoratlarga olib kelishi mumkin? Ushbu savolga Koronavirusga qarshi kurash shtabi a’zosi Barno Abdusamatova javob berdi.«Olimlar fikricha koronavirus infeksiyasi mutatsiyaga uchraydigan xususiyatga ega, ammo aniq mutatsiyaga uchrashini va yangi mutatsiyaga uchragan virus o‘zini qanday tutishini biz hali bilmaymiz. Lekin mutaxassislar fikriga ko‘ra, agar virus mutatsiyaga uchrasa u yanada yuqumli bo‘lishi va og‘ir asoratlarga olib kelishi mumkinligi ta’kidlangan», dedi mutaxassis.