“Zamin”ni Telegramʻda oʻqing! Join!
Zamin.uz
, 02 2020, 08:40
ЎЗO‘Z

Shipilov: “Metallurg”ning xohlagan futbolchisidan so‘rang, men umuman vaqtni cho‘zish borasida ko‘rsatma bermayman va bermaganman ham"

20 okt, 15:50 788 Sport
“Zamin”ni Telegramʻda oʻqing!
Shipilov: “Metallurg”ning xohlagan futbolchisidan so‘rang, men umuman vaqtni cho‘zish borasida ko‘rsatma bermayman va bermaganman ham" Coca Cola Superliga 19-turidan o‘rin olgan “Navbahor” – “Metallurg” (1:1) jamoalari o‘rtasidagi uchrashuvdan keyin o‘tkazilgan matbuot anjumanida “Metallurg” bosh murabbiyi Andrey Shipilov jurnalistlarning savollariga javob berdi.

- Menimcha, bugungi uchrashuvda har ikki jamoa a’zolari ham o‘z imkoniyatlari darajasida o‘yin namoyish eta olishmadi. Bu albatta mening shaxsiy fikrim. Uchrashuv ikki jamoaga ham qiyin kechganligiga guvoh bo‘ldingiz. O‘yin davomida futbolchilar ko‘plab xatolarga yo‘l qo‘yishdi, to‘pni o‘z jamoadoshlariga aniq yetkazib bera olishmadi, bir so‘z bilan aytganda, “braklar” ko‘p bo‘ldi. Balki buning o‘ziga yarasha sabablari bordir.

O‘z jamoamiz borasida shuni ta’kidlamoqchimanki, o‘yin juda og‘ir kechdi. Nafaqat, “Navbahor”ga qarshi kechgan bahs, balki barcha uchrashuvlarda oson bo‘lmayapti. Tanaffusdan keyin 9 kun ichida 3 ta o‘yin o‘tkazamiz. Keyingi uchrashuv o‘z maydonimizda bo‘lib o‘tadi. Joriy mavsum yakunlanishiga 7 ta tur qoldi. Qaysi jamoa qolgan uchrashuvlarni muvaffaqiyatli tarzda o‘tkazsa, omad kulib boqsa, mavsum yakunida turnir jadvalining yuqori qismidan o‘rin olishi mumkin.

“Navbahor” o‘z oldiga yuksak maqsadlarni qo‘yadigan jiddiy klub. Bizning jamoamiz ham joriy mavsumda dastlabki beshtalikdan o‘rin olishga harakat qiladi. Bugungi uchrashuv hisobi haqqoniy bo‘ldi, deb hisoblayman.

Namanganga “Metallurg” ustozi sifatida uchinchi marta tashrif buyuryapman va doimo menga shogirdlaringiz nega vaqtni cho‘zishga harakat qilishadi, deb savol berishadi.

Statistikaga nazar tashlasangiz, Namanganda bo‘lib o‘tgan oldingi 2 ta o‘yinda 0:0 hisobi qayd etilgan hamda bugungi o‘yin 1:1 hisobida yakunlandi.

Men hech qachon yigitlarga bunday ko‘rsatma bermayman. O‘zim ham bir paytlari futbol o‘ynaganman hamda futbolchilik davrimda ham ataylab vaqtni cho‘zishga harakat qilmaganman. Bu menga yarashmaydi va mening tabiatim buni ko‘tarmaydi. “Metallurg”ning xohlagan futbolchisidan so‘rang, men umuman vaqtni cho‘zish borasida ko‘rsatma bermayman va bermaganman ham.

Faqat buning o‘ziga yarasha ob’ektiv hamda sub’ektiv sabablari bor. Futbolchilar ayni paytda o‘yinga to‘liq tayyor emaslar.

“Navbahor” ham Namangandagi ajoyib maydonda 22 daqiqa mobaynida juda yaxshi o‘yin namoyish etdi. Ammo undan keyin shunday ruhda o‘yinni davom ettira olmadi. Demak, mezbonlarda ham bu borada qandaydir kamchiliklar bor, to‘g‘rimi? Superligada yuzaga kelgan tanaffus futbolchilarning holatiga salbiy ta’sir ko‘rsatgan bo‘lishi ehtimoldan xoli emas.

“Metallurg” milliy chempionatimiz doirasida Namanganda o‘tkazilgan 24 ta o‘yindan bor-yo‘g‘i bittasida g‘alaba qozongan ekan, demak, bu “Navbahor”ning kuchliligidan dalolat. Jamoa O‘zbekiston chempioni bo‘lgan, Osiyo Chempionlar Ligasida ishtirok etgan. “Navbahor”da bir paytlari yulduz futbolchilar o‘ynashgan.

Bugungi o‘yinda “Navbahor”dan Ivan Solovyov, jamoamizdan esa Kamoliddin Tojiyev yaxshi o‘yin namoyish etishdi, - deydi Andrey Sergeyevich.

Manba: "Metallurg" matbuot xizmati



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Andrey Shipilov: "Futbolchilarimning ko‘zida xohish va intilish ko‘rmadim" 27 iyun, 23:30
  • "Metallurg" bosh murabbiyi: "Andijon"ning o‘yinidan ko‘nglim to‘lmadi 21 iyun, 23:30
  • Andrey Shipilov AGMK bilan durangdan so‘ng: Maydonga keragidan ko‘p qum to‘kilganini ko‘rdik 01 mar, 15:43
  • Superliga. "Metallurg" o‘z maydonida "Navbahor"ni mag‘lub etdi 26 avg, 22:06
  • Andrey Shipilov: "Tabiat qonunlariga qarshi bora olmaymiz" 04 noya, 20:29
  • Andrey Shipilov: “AGMKga qarshi o‘yinga bir hafta tayyorlandik” 18 avg, 10:14
  • So'nggi yangiliklar
  • Qirg‘iziston konstitutsiyasi qayta yozib chiqilmoqda 02 dek, 08:00 0
  • Farrux Zokirov «Hamdo‘stlik yulduzlari» davlatlararo mukofoti bilan taqdirlandi 02 dek, 07:30 110
  • Qorabayir zotdor otlari Qashqadaryodan Toshkentgacha yurib boradi (foto) 02 dek, 07:00 168
  • Xitoyning «Chan’e-5» zondi Oyga qo‘ndi 02 dek, 00:30 329
  • 300 kiloli odamni kran yordamida uyidan olib chiqishdi 01 dek, 23:44 800
  • Oskarga munosib. Kelin asal oyidan so‘ng fosh bo‘ldi 01 dek, 23:00 619
  • «Neftchi» – «Turon» o‘yinidagi tartibsizlik ishtirokchilaridan 8 kishi qo‘lga olindi 01 dek, 22:22 417
  • Apple iPhone’larning «suv o‘tkazmasligi» sabab 10 mln yevro jarimaga tortildi 01 dek, 21:50 484
  • Tadbirkor foydasiga 187 mln. so‘m qarzdorlik undirib berildi 01 dek, 21:25 316
  • Qish kunlarida farzandlar ta’minoti har qachongidan dolzarbdir 01 dek, 21:00 451
  • «Qalpoq»dagi Maraymamat — Rahmonali Suropov shifoxonaning jonlantirish bo‘limiga yotqizildi 01 dek, 20:40 1 249
  • Bollivud qiroli Shoxruh Xon qanday yashaydi? (foto) 01 dek, 19:30 1 123
  • Bo‘limlar