“Yuventus” bosh murabbiyi Andrea Pirlo muhim bo‘lmagan uchrashuvlarda Krishtianu Ronaldu xizmatidan foydalanmasligini bildirdi. Bu eng avvalo, portugaliyalik hujumchining yoshi bilan bog‘liq bo‘lib, Pirlo 35 yoshli futbolchini toliqtirib qo‘yishni istamayapti.
- Ahamiyati pastroq bo‘lgan uchrashuvlarda Ronalduga dam berishga harakat qilamiz. Krishtianu o‘z holatini to‘g‘ri baholay oladigan aqlli futbolchi. Qachon dam olish kerakligini uning o‘zi ham biladi, - dedi Pirlo.
O‘tgan mavsumda Krishtianu Ronaldu “Yuventus” tarkibida 46 ta o‘yinda 37 ta gol urdi. Bu yilgi chempionatda ham portugaliyalik yulduz ilk uchrashuvdayoq gollar hisobini ochdi.