Foto: «Theepochtimes.com»Kanadaning Guelf universiteti tadqiqotchilari qonda qand miqdorini kamaytirish orqali diabet va yurak kasalliklari xavfining oldini olishga yordam beradigan mahsulot nomini ma’lum qilishdi. Bu oddiy dukkaklilar bo‘lib chiqdi, deb yozadi «Food News» nashri.
Olimlarning ta’kidlashicha, dukkaklilar qonda xolesterin darajasini kamaytirish hisobiga yurak xastaliklari xavfini bartaraf etishi mumkin. Glikemiya indeksi pastligi tufayli dukkaklilar diabetning oldini olib, qonda qand miqdorini me’yorlashtiradi. Bundan tashqari, oqsil va kletchatkaga boy dukkakli mahsulotlar vaznni nazorat qilishga yordam beradi.