“Zamin”ni Telegramʻda oʻqing! Join!
Zamin.uz
, 04 2020, 19:34
ЎЗO‘Z

SSV Behzod Musayev va Toshkent shahar hokimi Jaxongir Ortiqxo‘jayevga professor Zarifboy Ibodullayev murojaati

02 avg, 16:26 2 305 Jamiyat
“Zamin”ni Telegramʻda oʻqing!
SSV Behzod Musayev va Toshkent shahar hokimi Jaxongir Ortiqxo‘jayevga professor Zarifboy Ibodullayev murojaati Bugungi kunda yurtimizda koronavirusga qarshi kurashda vrachlarimizni, hamshiralarimizni, koronavirusga chalingan bemorlarni, koronavirusdan tuzalib chiqqan fuqarolarimizni turli xil savollar qiynamoqda.

Shuning uchun Tibbiyot fanlari doktori professor Zarifboy Ibodullayev bu kabi savollarga javoblarni "Tibbiyot psixologiyasi" va "Asab va ruhiyat" deb nomlangan kitoblaridan topishlari mumkinligini aytib ushbu kitoblarni zudlik bilan shifoxonalarga tarqatish zarurligini Sog‘likni saqlash vaziri Behzod Musayev va Toshkent shahar hokimi Jaxongir Ortiqxo‘jayevga o‘z videomurojaatida bildirgan. Professor Zarifboy Ibodullayevning mazkur videomurojaati matnini sizga havola qilamiz.

- "Assalomu alaykum men tibbiy psixolog Zarifboy Ibodullayev bo‘laman. Bugungi murojaatim SSV vaziri Bekzod Musayev va Toshkent shahar hokimi Jaxongir Ortiqxo‘jayevga. Hammangizga ma’lumki juda ko‘p shifoxonalar koronavirus bilan davolanayotgan bemorlar uchun ajratildi. Juda ko‘p bemorlarga hozirgi kunda tibbiy psixologik yordam kerak. Biz “Tibbiyot psixologiyasi” deb nomlangan kitobni tayyorlagan edik. Bu salkam 500 betlik darslik. Afsuski, bu darslikni katta qismi hozir “Zaminnashr” nashriyotida yotipti.

Bu darslikni faqat Samarqand tibbiyot instituti 300 dona xarid qilib oldi. Qolgan tibbiyot institutlarining birontasi bu kitobni xarid qilmadi. Bu kitobga talab shu qadar ko‘payib ketdiki, men oxir oqibat uning elektron variantini birinchi karantin davridayoq internetga qo‘yishga majbur bo‘ldim. Hali bu kitobni sotish orqasidan “Zaminnashr” nashriyoti ham men ham hozirgi bozor iqtisodiyoti nuqtai nazaridan oladigan bo‘lsak foyda ko‘rmadik. Lekin savob uchun uning elektron variantini internetga qo‘yib yubordik.

Ikkinchi karantin davrida menga o‘zim o‘qitgan talabalar, yosh vrachlar “Ustoz shu kitobingiz biz uchun juda zarur” deb iltimos qilishyapti, lekin ularning ko‘pchiligi bu kitobni xarid qilib olishga qurbi yo‘q. Bu kitob 3000 dona “Zaminnashr” nashriyotida yotipti. Hatto o‘zim ishlayotgan Toshkent tibbiyot akademiyasi ham G‘aznachilik hali bizga pul ajratmadi deb bu kitobni xarid qilgani yo‘q. Nima uchun men Jahongir Ortiqxo‘jayevga ham iltimos qilganimni sababi Samarqand tibbiyot institutidan boshqa bironta ham tibbiyot institutlari hali bu kitobni xarid qilgani yo‘q.

Hozir koronavirus bilan bog‘lik nevroz, depressiya, fobiya va psixomatik buzilishlar juda ko‘payib ketdi. Bu kitobda yuqoridagi holatlarda qanday qilib yordam ko‘rsatish juda sodda, oddiy qilib yozilgan. Bu kitob faqat nevropotolog, tibbiy psixolog, psixiatrlarga emas, koronavirus bilan ishlayotgan juda ko‘p vrachlarga kerak bo‘lib turibdi. Bu kitobni hozirgi kunda kamida 10000 nusxada bosib zudlik bilan koronavirus bilan ishlayotgan vrachlarga tarqatish kerak. Negaki bugunmi, ertami koronavirus ketadi, lekin o‘zidan juda katta asoratlarni: nevroz, depressiya, fobiya, psixomatik o‘zgarishlarni qoldirib ketyapti.

Shuning uchun men Sog‘liqni saqlash vaziriga ham iltimos qilyapman, Jahongir Ortiqxo‘jayevga ham iltimos qilyapman, balki boshqa homiylar ham qo‘shilishib “Zaminnashr” nashriyotida chang bosib yotgan ushbu kitobni zudlik bilan xarid qilib tarqatish kerak barcha shifoxonalarga.
Shu bilan birga 3000 ta “Asab va ruhiyat” deb nomlanuvchi kitobimiz ham yotipti. Bu kitobda “Tibbiyot psixologiyasi” kitobida keltirilgan ma’lumotlar oddiy va sodda qilib berilgan. Bu kitobdan bemorlar ham hamshiralar ham foydalanishlari mumkin.

Menga kelayotgan telefon qo‘ng‘iroqlaridan ma’lumki, nega men Sizlarga murojaat bilan chiqishga majbur bo‘layotganligimning sababi shuki hozirgi kunda juda zarur bo‘layapti bu qo‘llanma, chunki birorta o‘zbek vrachini qo‘lida yo‘q bu qo‘llanma. Ular “qo‘rqmang, vahimaga tushmang” deb faqatgina bemorlarni tinchlantirish bilan ovora bo‘lishmoqda.

Hozirgi og‘ir kunlarda minglab vrachlarimizga, minglab hamshiralarimizga juda ham zarur bo‘lgan ushbu qimmatli kitoblar nega nashriyotda chang bosib yotishi kerak? Shuning uchun men iltimos qilib qolaman ushbu kitoblarni zudlik bilan nashriyotdan katta nusxada xarid qilib barcha vrachlarimizga tarqatish kerak savob bo‘ladi.

Men oldin aytganimdek o‘zimning gonorarimdan ham voz kechib uni shogirdlarimga tarqatib yubordim. Agar institutlarni xarid qilishga puli bo‘lmasa, haqiqatdan ham G‘aznachilik ish haqidan boshqa xarajatlar uchun mablag‘ ajratmasa ularga ham sotib olib berishimiz kerak. Busiz juda qiyin bo‘ladi, chunki bugungi kunda tibbiy psixologik yordam ko‘rsatish uchun zarur bironta ham tibbiy adabiyot yo‘q
", - deydi professor Zarifboy Ibodullayev.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Behzod Musayev: "Har 100 nafar bemorga bir nafar nufuzli tibbiyot xodimi biriktiriladi" 30 iyul, 13:21
  • Jahongir Ortiqxo‘jayev va Alisher Shodmonovga hayfsan e’lon qilindi 15 iyul, 22:30
  • Behzod Musayev bu yil abituriyentlarga yengillik berilishi haqida: «Qiyin savollar kamaytiriladi» 15 iyun, 19:50
  • Buxoroda Prezidentimizning 5 tashabbus ijrosi borasida "Kitobxonlik kechasi" bo‘lib o‘tdi 29 yanv, 17:48
  • Bosh prokuratura Jahongir Ortiqxo‘jayev bo‘yicha bayonotini e’lon qildi 17 noya, 18:25
  • Behzod Musayev Davlat soliq qo‘mitasi raisi etib tayinlandi 27 dek, 12:12
  • So'nggi yangiliklar
  • Mayk Tayson: «Roy Jonsni nokautga uchratmoqchiman» 04 avg, 19:30 0
  • Harakatlanayotgan avtomobil g‘ildiragi ichida nimalar sodir bo‘ladi? (video) 04 avg, 19:05 1
  • Samsung sig‘imi 6000 mA/soatga teng Galaxy M31 s modelini taqdim etdi 04 avg, 18:43 0
  • Habib Nurmagomedov: «Getjini okeanning eng tubiga olib borib, cho‘ktirib yuboraman» 04 avg, 18:25 0
  • Yangi Kia K5 sedanlari o‘n metrli tramplindan sakradi (video) 04 avg, 17:57 4
  • Yurak kasalligi bo‘lganlar Covid-19’ga chalinganda nimalarga e’tibor berishi kerak? 04 avg, 17:32 120
  • Belarusni yo‘qotishdan qo‘rqadigan Rossiya, portlash yoqasidagi dunyo, koronavirusga qarshi retsept - Lukashenko millatga murojaat qildi 04 avg, 17:08 179
  • Rani Mukerji va Aditya Chopra: Muhabbatga aylangan do‘stlik hikoyasi 04 avg, 16:45 135
  • Limon narxi yil boshidan buyon qariyb 152 foizga oshdi 04 avg, 16:26 256
  • Xorazmdagi “samosud” yuzasidan ma’lumot berildi 04 avg, 16:04 274
  • O‘zbekistonda shahar va qishloq aholisi qanchaga o‘sgani ma’lum qilindi 04 avg, 15:35 202
  • Xolesterinni dori-darmonsiz kamaytirish usuli aytildi 04 avg, 15:14 462
  • Bo‘limlar