“Zamin”ni Telegramʻda oʻqing! Join!
Zamin.uz
, 08 2020, 22:08
ЎЗO‘Z

Kadastr tizimida «tozalash ishlari» boshlandi

13 iyul, 13:28 2 593 Jamiyat
“Zamin”ni Telegramʻda oʻqing!
Kadastr tizimida «tozalash ishlari» boshlandi «Davergeodezkadastr» qo‘mitasining xabar berishicha, 10 iyul kuni respublika, viloyat va tuman miqyocidagi 7 nafar rahbar egallab turgan lavozimidan ozod etilgan.

«Davlat idorasida ishlayotgan har bir inson o‘z zimmasiga katta mas’uliyatni oladi. Xalqimizga beminnat, halol mehnat qilish va bu orqali ularning ishonchini qozonishdan ko‘ra lavozimini suiiste’mol qilib, o‘z ishiga mas’uliyatsizlik va sovuqqonlik bilan qarayotgan, tizim idoralarida yetarli darajada ishni tashkil etmasdan, aksincha o‘z nafsini o‘ylaganlar ming afsuski oramizda mavjud. Har bir davlat idorasi bundaylardan xoli maydonga aylanmas ekan xalq ishonchini qozonib bo‘lmaydi.

10 iyul kuni kadastr yo‘nalishida ham yuqorida ta’kidlab o‘tilgan holatlarga yo‘l qo‘ygan respublika, viloyat va tuman miqyocidagi 7 nafar rahbar egallab turgan lavozimidan ozod etildi.

Bu boshlanishi! Sohaning rivojiga to‘siq bo‘layotgan har bir muammoni yechish qo‘mita oldida turgan pirovard maqsad bo‘lib, mana shunday xodimlar doimiy nishonda bo‘ladi», deyiladi qo‘mitaning rasmiy xabarida.

Shu yilning 4 iyul kuni Yer resurslari, geodeziya, kartografiya va davlat kadastri davlat qo‘mitasining yangi raisi Xalilillo To‘raxo‘jayev jamoatchilikka murojaat qilib, kadastr sohasini shaffof, korrupsiyadan xoli tizimga aylantirish uchun o‘zbekistonliklardan yordam so‘ragan edi.

Xalilullo To‘raxo‘jayev Davgeodezkadastr qo‘mitasi faoliyatidagi muammolar, hal etilmagan ishlar, byurokratik to‘siq va g‘ovlarga duch kelayotgan, shuningdek, mazkur yo‘nalishni rivojlantirish, takomillashtirish bo‘yicha g‘oya va takliflarga ega o‘zbekistonliklar bilan ochiq muloqotga tayyorligini bildirgan.

«Buning uchun hozirda Yer resurslari, geodeziya, kartografiya va davlat kadastri davlat qo‘mitasining Facebook tarmog‘idagi rasmiy sahifasi, 1097 ishonch telefoni, shuningdek, Sizlarga qulay bo‘lishi uchun Telegram messenjerida qayta aloqa boti ishga tushirildi va mening shaxsiy elektron 01@ygk.uz manzilimga to‘g‘ridan-to‘g‘ri murojaat etishingiz mumkin. Har bir murojaatingizni e’tibor bilan o‘rganamiz.

Kundalik hayotida davlat idoralariga murojaat etib, turli qiyinchiliklarga duch kelayotgan xalqning o‘zigina — sohani rivojlantirish uchun nima kerakligini bizdan ko‘ra yaxshiroq biladi, muhim g‘oyalarni taklif eta oladi. Shu bois, har bir fuqaro, ommaviy axborot vositasi, jurnalist va blogerning shu sohaning rivoji uchun bildirgan fikri va e’tibori biz uchun juda muhim va qadrli.

Asosiy maqsadimiz Sizning ko‘magingizda xalqimizga byurokratiya va korrupsiyadan holi, sifatli va xolis xizmat ko‘rsatadigan tizimni shakllantirish. O‘ylaymanki, birdamlikda amalga oshirilgan ishlar, ijobiy o‘zgarishlar uzoq kuttirmay o‘z samarasini beradi
», degan edi «Davergeodezkadastr» qo‘mitasi raisi.

Eslatib o‘tamiz, Xalilillo To‘raxo‘jayev 30 iyun kuni Yer resurslari, geodeziya, kartografiya va davlat kadastri davlat qo‘mitasining raisi lavozimida ish boshlagan edi. Sobiq rais Abdushukur Abdullayev esa unga o‘rinbosar etib tayinlangan.

Xalilillo To‘raxo‘jayev bungacha – 2017 yil 12 dekabrdan buyon Adliya vazirligi huzuridagi Davlat xizmatlari agentligi direktori lavozimida faoliyat yuritgan.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • IIV tizimida qancha rahbar xodimlar xizmatdan bo‘shatilgani va lavozimdan ozod etilgani ma’lum qilindi 01 iyul, 23:55
  • Qashqadaryoda biryo‘la 10 nafar kadastr xodimi ishdan haydaldi 27 fev, 20:37
  • Muftiy Usmonxon Alimov lavozimidan ozod etildi 10 sen, 20:07
  • Ichki ishlar tizimida 172 xodim lavozimidan ozod etilib, 174 nafari jinoiy javobgarlikka tortildi 16 yanv, 06:54
  • Surxondaryo viloyati hokimi o‘rinbosari va viloyat prokurori lavozimidan ozod etildi 09 noya, 00:30
  • Bosh vazir o‘rinbosari Zoyir Mirzayev lavozimidan chetlatilishi kutilmoqda 29 okt, 17:15
  • So'nggi yangiliklar
  • Sergeli tuman hokimi ishdan olindi 08 avg, 21:45 17
  • Latviyalik og‘ir atletika yulduzi islomni qabul qildi — Rebeka Koxa 08 avg, 21:23 24
  • Rossiyada 26ta kvartira va 10ta samolyotga ega deputat aniqlandi 08 avg, 21:08 12
  • Rahmat Mamatov, Azizbek Ikromov va Botir Parpiyevga hayfsan berildi 08 avg, 21:00 306
  • Endi kontrakt to‘lay olmagan talaba o‘qishdan chetlatilmasligi mumkin 08 avg, 20:40 231
  • Avtomashinani sug‘urtasi yo‘qligi uchun ushlab turish amaliyoti bekor qilinishi mumkin 08 avg, 20:16 355
  • Ikkinchi mutaxassislikka hujjat qabul qilish 10 avgustdan boshlanadi 08 avg, 19:53 268
  • «Yuventus» Mauritsio Sarrini iste’foga chiqardi 08 avg, 19:30 257
  • Test sinovlari qachon va qay tartibda o‘tadi? 08 avg, 19:05 299
  • Bu yil OTM to‘lov-kontrakt miqdori o‘zgarmaydi 08 avg, 18:41 202
  • Bosh vazir: «Yaxshi ham OAV, yaxshi ham blogerlar bor ekan» 08 avg, 18:17 514
  • Bugun bemorlarning barchasi Toshkent shahri hamda viloyatida aniqlandi 08 avg, 17:53 806
  • Bo‘limlar