Koreya Xalq Demokratik Respublikasi tashqi ishlar vazirligi Amerika Qo‘shma Shtatlari bilan muzokaralar o‘tkazmasligini aytar ekan, ikki o‘rtada vositachi ekanini aytayotgan Janubiy Koreya ikki Koreyaaro munosabatlarni buzayotganini ta’kidladi.KXDR AQSH bilan muzokaralar davrasiga o‘tirish niyatida emas. Mamlakat TIVning AQSH departamenti rahbari Kvon Chon Gin shunday bayonot bergan. Uning nutqidan parchalarni Koreya Markaziy telegraf agentligi e’lon qildi.
Avvalroq, KXDR TIV rahbarining birinchi o‘rinbosari Soy Son Xi AQSH bilan sammit o‘tkazilishi haqidagi xabarlar sababli Pxenyan Amerika tomoni bilan muzokaralarga muhtoj emasligini aytgan edi.
“Ayrimlar KXDR TIV birinchi o‘rinbosarining bayonotini “AQSHni harakat qilishga undash” yoki qandaydir yonberishlarni talab qilish, deya talqin qilmoqda, - deyiladi Kvon Chon Gin bayonotida. – Yana bir marta bayonot beramiz: biz AQSH bilan bir davra atrofiga o‘tirish niyatimiz yo‘q”.
U, shuningdek, Janubiy Koreya kuchlariga qarata bayonot ham bergan. “Har doim KXDR va AQSH o‘rtasidagi muzokaralarda vositachilik sa’y-harakatlari o‘zgarmasligi haqida baland ovozlar eshitiladi, aslida bu koreyalararo munosabatlarni buzib, ularni yanada yomon holatga keltiradi”, - degan Kvon Chon Gin.