Foto: Toshkent shahar hokimligiToshkent hayvonot bog‘ida pushti flamingolar o‘rin olgan yangi pavilon ochildi. Bu haqda poytaxt hokimligi matbuot xizmati xabar berdi.
«Hozirda bu yerda 33 ta pushti flamingo yashamoqda. Ularning 23 tasi BAAdan, 10 tasi Orol dengizi qirg‘oqlaridan olib kelingan», — deyiladi xabarda.
Ta’kidlanishicha, yangi pavilon jahon standartlariga to‘liq javob beradi, bu yerda bir necha suv havzalari va maxsus landshaftlar qurilgan.
Hayvonot bog‘i 2021 yilda ushbu flamingolardan nasl olishni rejalashtirmoqda.
Ma’lumot uchun, mahalliy ornitologlar 2014 yili Qoraqalpog‘istondagi Sudoche ko‘lining sharqiy qirg‘og‘ida 7000 flamingo borligini aniqlagan.
