"Energetik-BGU" bosh murabbiyi Vladimir Belyayevskiy chempionat doirasida BATE yana bir bor mag‘lub etilgani haqida gapirdi. - Bu o‘yinga doimgidek tayyorlandik. Hech qanday muammolar bo‘lmadi. Shunchaki o‘zimiz uchun muammo yaratdik - qizil kartochka jonga tegdi. Biroq omadimiz keldi.
Agarda Jasur bo‘lganida BATEga yana ikkita urgan bo‘lardik. Chunki qarshi hujumlarga tez o‘tib ketayotgandik. Umuman olganda barchasi yaxshi ketyapti.
- "Talabalar"ning maqsadi o‘zgaradimi? Balki jamoa yevrokuboklar uchun kurashishni boshlashi kerakdir?! - Biz shuning uchun intilyapmiz. Pastga sho‘ng‘ish kerak demayapmanku. Qadam va qadam yevrokuboklarga ham erishamiz. Qarang, qanday yosh yigitlar tarkibda o‘ynayapti. O‘tgan mavsumda bu stadionda 4:0ga yutqazgandik, bugun esa ishonchli o‘ynadik.
- Yaxshiboyev BATEga o‘tadimi? - Bu haqida ko‘p gapirishdi, ammo konkret hech nima yo‘q. Uning agentlari kelishdi, muzokaralar davom etmoqda. Ammo gapiradigan aniq gaplar yo‘q.