“Zamin”ni Telegramʻda oʻqing! Join!
Zamin.uz
, 04 2020, 11:16
ЎЗO‘Z

Superligada "Navbahor"ga o‘xshagan klub nega kam? Yoxud Islom Ahmedov 7-tur oldidan munosabat bildirdi

30 iyun, 16:50 1 213 Sport
“Zamin”ni Telegramʻda oʻqing!
Superligada "Navbahor"ga o‘xshagan klub nega kam? Yoxud Islom Ahmedov 7-tur oldidan munosabat bildirdi Coca-Cola Superliganing 7-tur bahslari ham yaqinlashmoqda. Pandemiyadan keyin ham jamoalar imkon qadar hujumkor, muxlislarga yoqadigan o‘yin namoyish etayotgani quvonarli, albatta.

Kutilgan va kutilmagan natijalar ham kishini o‘ziga jalb etmasdan qolmaydi. Shunday ekan, 7-turda ham bir-biridan qiziqarli juftliklar kutmoqda.

Yurtimizdagi tajribali mutaxassislardan biri Islom Ahmedov ham hozirda Superliga uchrashuvlarini sinchkovlik bilan kuzatib kelmoqda. Shuni inobatga olgan holda u 7-tur oldidan har bir juftlikka o‘z munosabatini bildirib, klublarning imkoniyatlarini baholadi.

“Lokomotiv” – “Qizilqum”
- “Lokomotiv” ham, “Qizilqum” ham oxirgi o‘yinlarda yutqazyapti. Shu bois ulardagi vaziyat qiyin. Koronavirus hammaga yomon ta’sir qildi. Kimdir bu holatdan yengil chiqyapti, yana kimdir og‘ir. O‘yinchilar ham har xil vaziyatda. Bilamizki, “Lokomotiv” har doim yuqori o‘rinlarda bo‘lgan. Hozir esa ularga ruhiy tomondan yanada qiyin bo‘lyapti. “Qizilqum”ning esa Navoiyda “Paxtakor”ga qarshi o‘yinini ko‘rdim, mezbonlar yaxshi taassurot qoldirishdi. “Loko” esa o‘yindan-o‘yinga pasayib bormoqda. Bu to‘qnashuvda imkoniyatlarni teng baholayman, durang bo‘lishi mumkin.

“Andijon” – “Bunyodkor”
- “Andijon”ga yaxshi murabbiy keldi, klub endi asta-sekin barqarorlikka harakat qilyapti. “Bunyodkor” esa har doim tavakkal qilib o‘ynayapti. Har bir uchrashuvda qo‘rqmasdan to‘p suryapti. Klubda esa iste’dodli yoshlar ko‘p. Bundan tashqari, u yerda qanday murabbiy ishlayotganini esdan chiqarmang. U katta rol o‘ynaydi. Abramov har bir futbolchisiga bemalol o‘zini ko‘rsatishiga imkoniyat beryapti. “Andijon” intizomli jamoa, borini o‘yinga beradi. “Bunyodkor” esa – bu o‘ynaydigan klub. Kutilmagan natijani ko‘rsatishi mumkin. Ochig‘i, ushbu uchrashuvda ham durang bo‘lishini taxmin qilyapman.

“Qo‘qon-1912” – “Mash’al”
- Qo‘qonliklar o‘yindan-o‘yinga juda ishonchli o‘yin ko‘rsatyapti. To‘g‘risi, mezbonlarning g‘olib chiqish imkoniyatini 80x20 baholayman. To‘g‘ri, “Mash’al” jamoaviy va jangovor klub. Lekin uchrashuv Qo‘qonda bo‘ladi va ular maza qilib futbol o‘ynashyapti.

“Paxtakor” – “Surxon”
- Agar “Surxon”ga Xomyakov keladigan bo‘lsa, jamoa o‘yinida intizom va taktik tomondan ham to‘g‘ri yo‘nalish bo‘ladi. Lekin ular ko‘proq himoyaviy o‘yin o‘ynashadi, ayniqsa, “Paxtakor” bilan bahsda. Lekin maydon egalarining imkoniyati yuqori. “Paxtakor” ham borgan sari o‘yinini kuchaytirmoqda.

“Navbahor” – “So‘g‘diyona”
- Ooo, bu juda kuchli o‘yin bo‘ladi. Ikkala jamoa ham ruhiy va intizom tomonidan kuchli. Lekin o‘yin Namanganda bo‘ladi va “Navbahor”ning g‘alabaga bo‘lgan imkoniyati 70 foiz. Superligada “Navbahor”ga o‘xshagan klublar kamdan-kam. Chunki o‘z maydonida juda boshqacha o‘ynaydi. Futbolchilari 100 foiz o‘yinga berilib harakat qilyapti. “Navbahor”da yaxshi tomonga o‘zgarishlar bo‘lyapti.

AGMK – “Nasaf”
- Bu ham qiziqarli uchrashuv bo‘ladi. “Nasaf” ushbu bellashuvda ko‘proq qarshi hujumda bo‘ladi. Chunki tarkibida yoshlar ko‘p va ular qarshi hujumda kuchli. Gapning ochig‘i, klublarning imkoniyatlari 50x50.

“Buxoro” – “Metallurg”
- “Metallurg” yutadi. Sababi, “Buxoro”da katta qiyinchiliklar bo‘lyapti. Bosh murabbiy xorijdan yaqindagina keldi. Qolaversa, legionerlarsiz o‘ynayapti. “Metallurg”ning esa “Lokomotiv”ga qarshi uchrashuvini kuzatdim. To‘g‘risi, bekobodliklarning bunday o‘yinini ko‘rmagandim. Juda chiroyli harakat qilishdi. Shu sababli mehmonlarning imkoniyati 70 foiz.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Superliga-2020. Ikkinchi turdan keyin kim qaysi o‘rinda? 08 mar, 22:53
  • Dastlabki turdan keyin jamoalar musobaqa jadvalida qanday o‘rinni egallashdi? 01 mar, 22:47
  • Superliga-2020. Qur’a tashlandi. Birinchi turda "Paxtakor" - "Navbahor" 08 fev, 22:30
  • Superliga-2019. Birinchi davra uchrashuvlarining to‘liq taqvimi e’lon qilindi 26 fev, 16:46
  • Superliga ikkinchi bosqichiga qurʼa tashlandi 28 avg, 23:38
  • Superligaga qur’a tashlandi 03 fev, 16:49
  • So'nggi yangiliklar
  • Remdesivir — koronavirusga qarshi asosiy dori sifatida ko‘rilayotgan preparat haqida nimalar ma’lum? 04 iyul, 10:46 0
  • «Eng to‘g‘ri javob». PFLning xo‘jayini kim? 04 iyul, 10:23 0
  • Asakada soxta diplom va’da qilgan kollej hisobchisi 1100 dollar pora bilan qo‘lga tushdi 04 iyul, 10:02 0
  • Pokistonda poyezdning ziyoratchilar avtobusi bilan to‘qnashishi oqibatida 29 kishi halok bo‘ldi 04 iyul, 09:39 18
  • DXX “jihodchilar” guruhlari faoliyatiga chek qo‘ydi 04 iyul, 09:16 119
  • Yaponiyada kuchli suv toshqini: odamlar tvitter orqali yordam so‘rashmoqda (video) 04 iyul, 08:55 170
  • «Chivinlar o‘ldirilmaydi, botqoq quritiladi!» Taniqli olim O‘zbekistonda korrupsiyaga qarshi kurash haqida 04 iyul, 08:30 185
  • Ilon Maskning boyligi bir hafta ichida 5,2 milliard dollarga ko‘paydi 04 iyul, 08:10 259
  • Amir Temur bilan Damashqda ko‘rishgan olim 04 iyul, 07:43 473
  • Braziliya prezidenti majburiy niqob taqish to‘g‘risidagi qonunni bekor qildi 04 iyul, 07:23 242
  • Manba: UzAuto Motors Buy Back tizimini joriy qiladi 04 iyul, 07:00 630
  • Nur-Sultonda Nursulton Nazarboyev haykali ochildi 04 iyul, 06:30 345
  • Bo‘limlar