“Zamin”ni Telegramʻda oʻqing! Join!
Zamin.uz
, 29 2024, 16:25
ЎЗO‘Z

Futbol qiroli - Pele bilan uchrashgan o‘zbekistonlik murabbiyni bilasizmi?

29 мая, 11:30 2 892 Sport
“Zamin”ni Telegramʻda oʻqing!
Futbol qiroli - Pele bilan uchrashgan o‘zbekistonlik murabbiyni bilasizmi? Yaqinda internet orqali futbol qiroli – Pelening eski rasmlaridan biriga ko‘zim tushib qoldi. Avvaliga bu navbatdagi oddiy suratlardan biri, deb o‘ylagandim. Ammo, keyin rasmga yaxshiroq nazar solsam, Pelening oldida turgan inson ko‘zimga juda “issiq” ko‘rindi.

U hozirda O‘zbekiston milliy terma jamoasi va “Bunyodkor” klubini boshqarayotgan Vadim Abramov edi. Rasm ancha eski bo‘lgani bois unda Pele ham, Abramov ham ancha yosh ko‘rinishardi. Tabiiyki, bu holat bizning e’tiborimizni o‘ziga tortmasdan qo‘ymadi. Natijada buning tarixini bilish maqsadida Vadim Karlenovich bilan aloqaga chiqdik. Darhaqiqat, Abramov bizning fikrimizni isbotladi.

- Pele bilan 1998 yili Fransiyada, Zepp Blatterning FIFA prezidenti lavozimiga tayinlangan paytida uchrashgandik. U bilan o‘sha paytda esdalik uchun suratga tushib olgandim. O‘shanda mendan tashqari Fransiyaga Zokirjon Almatov bilan Zokirjon Qurbonov ham borgandi. Bizning esdalik uchun suratimizni esa “polaroid” fotoapparatida olishgan. Tugmachasini bosishingiz bilan darhol rasm chiqarib beradi, - deya Pele bilan uchrashganini xotirladi, Abramov.

Vadim Karlenovich bilan Pele bahonasida bog‘langanimizdan foydalanib, undan yana o‘zimizni qiziqtirgan ayrim masalalarni ham so‘rashni lozim topdik. Jumladan, so‘nggi paytlarda ko‘pchilikning diqqat markazida bo‘lib turgan “Rostov”dagi hamyurtimiz Eldor Shomurodovning kelajagi milliy terma jamoamiz ustozi sifatida Abramovni ham befarq qoldirmayotgani oydek ravshan edi.

Albatta, hozirda ko‘pchilik hujumchimizning kuchliroq chempionatga ketib, faoliyatini o‘sha yerlarda davom ettirishini xohlamoqdalar. Voqealar rivoji shunday tus olar ekan, bu barchamiz uchun katta yutuqqa aylanardi. Biroq hozircha podadan oldin chang chiqarish yaxshi emas. Qolaversa, Abramov milliy termamiz manfaatlaridan kelib chiqib fikr bildirar ekan, birinchi navbatda Shomurodovning qayerda bo‘lsa ham o‘yin amaliyoti muhim ekanligini aytdi.

- Mening Eldor Shomurodov haqidagi fikrim shunday: u qayerda bo‘lsa ham o‘ynasa bo‘lgani. Terma jamoa a’zosi uchun muntazam ravishda o‘yin amaliyotiga ega bo‘lish juda muhim omil hisoblanadi. Quvonarlisi, Eldor terma jamoaga kelgan paytda doim xushkayfiyatda va mashg‘ulot bilan o‘yinlarga tayyor holda bo‘lib turadi. Agar u kuchliroq ligaga ko‘chib o‘tadigan bo‘lsa, biz bundan faqat quvonamiz. Mabodo, Shomurodov kuchliroq chempionatga o‘tsayu, ammo u yerda zaxirada qolib ketadigan bo‘lsa, bu biz uchun katta yo‘qotishga aylanadi. Shunday ekan, RPLda bo‘lsa ham uning doimiy ravishda o‘yin amaliyotiga ega bo‘lib turgani biz uchun yaxshi.

Shundan so‘ng terma jamoamizning e’tiborini yana bir muhim masalaga qaratdik. Bu Superligamizning qachondan boshlab davom ettirilishi bilan bog‘liq edi. Hozirgi sharoitda futbolimiz mutasaddilaridan vaziyatni tezlashtirishni talab qilish ham noo‘rin. Negaki, holatni barcha yaxshi tushunib turibdi. Lekin, ishonamizki, qachondir vaziyat o‘zgarib, chempionatimiz o‘yinlari yana davom ettiriladi. Vadim Abramov ham bu masalada fikr bildirar ekan, hammasini yaxshi o‘ylab, fikrlagan holda javob qaytardi.

- Hozir hamma qachon mashg‘ulotlar o‘tkazilishiga ruxsat berilishini kutmoqda, jumladan biz terma jamoa murabbiylar shtabi vakillari ham. Agar mendan milliy chempionat o‘yinlari qanday o‘tkazilishi haqida so‘rasangiz, mening bu boradagi fikrim shundayki, karantin tezroq tugab, o‘yinlar boshlansin. Ikki haftalik karantin nihoyasiga yetishini intiqlik bilan kutib qolamiz. Shunda biz terma jamoaga nomzod futbolchilarning imkoniyatlarini kuzatishga ko‘proq ega bo‘lamiz, - dedi Vadim Karlenovich.

Shuhratbek Jo‘rayev




Mavzuga oid yangiliklar
  • Vadim Abramov: "Bunday sifatli va saviyali futbolchiga doim tarkibda joy topiladi" 29 mar, 11:50 184
  • Shomurodovning ahvoli haqida ma’lumot berildi 29 mar, 10:53 326
  • So‘rovnoma: Nursulton Ro‘ziboyev 1-raunddayoq raqibini "uxlatib" qo‘yadi 29 mar, 10:25 166
  • Shohjahon Ergashev panamalik bokschini birinchi raunddayoq nokautga uchratdi (video) 29 mar, 08:35 256
  • Meksikadagi matbuot anjumanida butun jamoa ishtirok etib, muxlislardan uzr so‘radi 28 mar, 23:27 209
  • Futzal. O‘zbekiston ikkinchi o‘yinda Qirg‘iz Respublikasini mag‘lub etdi 28 mar, 22:56 96
  • So'nggi yangiliklar
  • Xalqaro sud Isroilga majburiyat yukladi 29 mar, 15:40 0
  • Fransiya razvedkasi markaziy osiyoliklarni kuzatishni kuchaytirmoqda 29 mar, 15:15 34
  • Putinning atrofidagilar Ukrainaning «Krokus»dagi teraktga aloqadorligiga ishonmayapti 29 mar, 14:48 95
  • O‘zbekiston — Gongkong futbol uchrashuvidan so‘ng uch kishiga ma’muriy qamoq jazosi tayinlandi 29 mar, 14:22 69
  • Hibsdan vaqtincha ozod etilgan Dani Alves tonggacha ziyofat uyushtirdi 29 mar, 14:01 114
  • Toshkentda xavfli holat sodir etib, qarama-qarshi harakatlangan haydovchiga chora ko‘rildi 29 mar, 13:30 40
  • Muzliklarning erishi Yerning aylanish tezligini o‘zgartirmoqda 29 mar, 13:06 153
  • Polshada Rossiya josuslik tarmog‘i ishi bo‘yicha tintuvlar o‘tkazildi 29 mar, 12:39 70
  • Samsung o‘z tarixidagi eng yaxshi selfi kamerali smartfonni namoyish etdi 29 mar, 12:12 43
  • Vadim Abramov: "Bunday sifatli va saviyali futbolchiga doim tarkibda joy topiladi" 29 mar, 11:50 184
  • Chexiya yevropalik siyosatchilarni Rossiyadan pora olish sxemasini fosh etganini da’vo qilmoqda 29 mar, 11:20 123
  • Shomurodovning ahvoli haqida ma’lumot berildi 29 mar, 10:53 326
  • Bo‘limlar