Foto: Vladimir Gerdo/TASSMoskva meri Sergey Sobyanin o‘zini-o‘zi izolyatsiya qilish, ruxsatnoma rejimi va boshqa cheklov choralari 14 iyungacha uzaytirilishi to‘g‘risidagi farmoyishni
imzoladi.
Hujjatda qayd etilishicha, sport, tomosha va boshqa ommaviy tadbirlarni o‘tkazish taqiqlanadi.
Shu bilan birga, shaharda 1 iyundan cheklov choralarini yumshatishning ikkinchi bosqichi boshlanadi.
"
1 iyundan cheklov choralarini yumshatishning ikkinchi bosqichini boshlaymiz, uning doirasida savdo va xizmat ko‘rsatish sohasidagi ko‘plab korxonalar o‘z ishini boshlaydi, shahar aholisi esa cheklovlar bilan bo‘lsa ham sayr qilishga chiqa oladi", - deyiladi Sobyaninning blogida.
Xabar qilinishicha, Moskvada Zaryade parkidan boshqa barcha parklar va yashil hududlar ochiladi.
Sobyaninning ma’lum qilishicha, teatr, muzey, sartaroshxona, restoran va fitnes-klublarni ochishga hali erta.
Oxirgi ma’lumotlarga ko‘ra, Moskvada koronavirusga chalinganlar soni 171,4 mingdan ortiq bo‘lib, 2183 kishi vafot etgan.