«Pokiston havo yo‘llari» aviakompaniyasiga qarashli yo‘lovchi samolyot Karachi shahrida halokatga uchradi. Hozircha qurbonlar haqida ma’lumot yo‘q.
Xabar qilinishicha, ichki reys orqali Laxordan uchib kelayotgan Airbus A-320 Jinna xalqaro aeroporti yaqinidagi aholi yashash uylari ustiga qulagan. Samolyot bortida 90 nafar yo‘lovchi va 8 nafar ekipaj a’zosi bo‘lgani aytilmoqda.
Ayni vaqtda baxtsiz hodisa ro‘y bergan joyda favqulodda xizmatlar ish olib boryapti. Halokat signali orqali harbiylar oyoqqa turg‘azilgan va shahardagi barcha kasalxonalar shay holatga keltirilgan.