Professional bokschimiz Sanjar Rahmonov amerikalik sobiq jahon chempioni Floyd Meyvezerning promouterlik kompaniyasining mijozi hisoblanadi. Aynan, ushbu yurtdoshimiz bilan qisqacha suhbatimizni avvalgi kuni e’tiboringizga havola qilgan edik. Bokschimizning saytimizga ma’lum qilishicha, u kecha, yana bir bor Floyd bilan uchrashgan va undan o‘ziga xos maslahat olgan.
Meyvezer Rahmonovdan bundan keyingi janglarini qaysi vazn toifasida o‘tkazishini so‘ragan hamda iloji boricha vaznini oshirib yubormaslikka harakat qilishini aytgan.