Foto: «Sonar2050.org»N.F.Gamaleya nomli epidemiologiya va mikrobiologiya ilmiy-tadqiqot markazi direktori Aleksandr Ginsburg koronavirusning alomatsiz turi va uning asosiy xavflaridan birini izohlab berdi.
Olimning so‘zlariga ko‘ra, virusning «makkorligi» shundaki, COVID-19 tashuvchisida ikki hafta davomida hech qanday alomat yuzaga chiqmasligi mumkin.
«Shu bois shuncha vaqt davomida koronavirusni yuqtirgan odam kasallik alomatlarisiz yashirin xavf-xatar hisoblanishi va u atrofdagilar uchun kasallikni yuqtirish manbaiga aylanishi mumkin», — dedi Ginsburg «RЕN TV» telekanaliga bergan intervyusida.
Epidemiolog kasallik tashuvchilarini vaqtida aniqlash va ularni izolyatsiya qilish nihoyatda muhimligini ta’kidladi.