Foto: «AiF»Pitssa bolalar va kattalar uchun hamisha sevimli bo‘lgan. Uni nonushta, tushlik hatto kechki ovqat o‘rniga ham yeyish mumkin.
Buning uchun quyidagi mahsulotlar kerak bo‘ladi:
Un— 1,5 piyola
Tuz — ta’bga ko‘ra
Shakar — 2 choy qoshiq
Zaytun yog‘i — 1 choy qoshiq
Xamirturush — 1 choy qoshiq
Suv — 130 ml
Nachinkasi uchun:
Kolbasa — 50 gramm
Bulg‘or qalampiri — 2 dona
Zaytun — 10-15 ta
Pomidor — 5 dona
Pishloq —50-80 gramm
Tomat pastasi — 3 osh qoshiq
Tuzlangan qo‘ziqorin
Tayyorlanish jarayoni:
- Xamirga ketadigan masalliqlarni qo‘shib oshirma xamir qiling.
- Tayyor bo‘lgach 1 soat davomida tinishini kuting.
- Xamirni aylana shaklida unlab yoying.
- Xamir ustini yog‘lab oling.
- So‘ngra tomat pastasini xamir ustidan surib chiqing. Tomat o‘rniga ketchupdan ham foydalanish mumkin.
- Pishloqni qirg‘ichdan chiqarib xamir ustini u bilan qoplang.
- Kolbasani kesib pishloq ustidan terib chiqing.
- Zaytunni aylana shaklida kesib kolbasa orasidagi bo‘sh joylarga qo‘ying.
- Keyingi bosqichda bo‘lsa qolgan mahsulotlar: bulg‘or qalampiri, pomidor va qo‘ziqorinni xamir ustiga qo‘ying.
- Pitssani 30 daqiqaga, 190 darajada qizib turgan duxovkaga qo‘ying.
Pitssa tayyor, yoqimli ishtaha!