Foto: «Interfax.az» Shri-Lankada koronavirus tufayli 2961 nafar mahbus garov evaziga turmadan chiqarildi, deb yozadi «Associated Press». Ta’kidlanishicha, turmalar to‘lib ketgan: 10 ming kishilik joyga 26 mingta mahbus joylangan.
Avvalroq hukumat koronavirus tarqalishining oldini olish maqsadida ziyoratchilarning kelishini taqiqlab qo‘ygandi. Bu mahbuslar orasida noroziliklarni keltirib chiqardi. Shri-Lankda 166 kishi koronavirusga chalingan bo‘lib, 5 kishi hayotdan ko‘z yumdi.