Buyuk Britaniyalik tadqiqotchilarning aytishicha, hid yoki ta’m bilish sezgilarining yuqolishi koronavirus mavjudligi belgisi bo‘lishi mumkin ekan.Londonning King kollejida bir guruh tadqiqotchilar 400.000 dan ortiq odamlarning Covid-19 alomatlari haqidagi xabarlarni telefon ilovasi orqali ko‘rib chiqdilar. Ammo hid va ta’m bilishning yo‘qolishi boshqa nafas yo‘llari kasalliklari, jumladan, shamollash alomatlari bo‘lishi ham mumkin.
Agar siz yoki siz bilan yashayotgan odamda doimiy yo‘tal yoki yuqori harorat kuzatilsa, koronavirusni boshqalarga yuqtirish xavfini to‘xtatish uchun uyda qolish tavsiya etiladi, deydi mutaxassislar.
Tadqiqot nimani aniqladi?
King kolleji tadqiqotchilari mutaxassislarga kasallikni yaxshiroq tushunish va unga qarshi kurashishda yordam berish uchun mumkin bo‘lgan koronavirus belgilari to‘g‘risida ma’lumot to‘plashdi.
Covid Symptom Tracker ilovasiga koronavirusning bir yoki bir nechta alomatlari haqida xabar berganlar orasida:
53% kishilar charchoq yoki toliqish borligini aytishdi;
29% doimiy yo‘tal;
28% nafas qisishi;
18% hid yoki ta’m bilishning yo‘qolishi;
10,5% haroratning ko‘tarilishi.
Ushbu 400,000 kishidan 1702tasi "Covid -19" tekshiruvidan o‘tkazilganda, ulardan 579 ijobiy natija va 1213 salbiy, ya’ni virusga chalinish holatlari kuzatilgan. Koronavirus infeksiyasiga ijobiy test bilan tasdiqlanganlarning beshdan uch qismi (59%) hid yoki ta’m bilishning yo‘qolishi haqida xabar berishgan edi. Mutaxassislarning ta’kidlashicha, isitma va yo‘tal virusning eng muhim alomatlari bo‘lib qolmoqda.