Foto: Daily MirrorMeksikada yashovchi erkak uy karantinida bo‘lgan vaqtida do‘kondan oziq-ovqat sotib olishning antiqa usulini o‘ylab topdi, deb yozadi Daily Mirror.
Antonio Munosning aytishicha, karantin paytida do‘konga oziq-ovqat sotib olish uchun uning chixuaxua zotiga mansub iti
boradi.
Erkak karantinning uchinchi kunida itining bo‘yinbog‘iga xaridor uchun xat va pul bog‘lab, uni do‘konga yuborgan.
«
Iltimos, itimga Cheetos chipslaridan biroz berib yuborsangiz. Qizilidan emas, sariq ranglisidan bering, qizili juda achchiq. Itimning bo‘yinbog‘ida 20 dollar bor. Aytib qo‘yay, itimni xafa qilsangiz, u sizni tishlab oladi», — deb yozdi erkak qog‘ozga.
Foto: Daily MirrorAntonioning so‘zlariga ko‘ra, iti ushbu vazifani ado etishga ketayotganida biroz asabiylashgan. Birozdan so‘ng esa u paketga solingan chipslarni tishlab ortga qaytgan.
Foto: Daily MirrorAntonio o‘zi xohlagan chipslarni olgan.
Ma’lumot uchun, chixuaxua dunyodagi eng mitti it turi hisoblanadi. Ularning bo‘yi uzunligi odatda 15 santimetrdan 23 santimetrgacha bo‘ladi. Og‘irligi esa uch kilogrammdan oshmaydi.