Foto: «ria.ru»Yevropa oziq-ovqat xavfsizligi boshqarmasi (EFSA) bayonotiga ko‘ra, hozirda koronavirus COVID-19 infeksiyasi oziq-ovqat orqali insonga yuqishi
isbotlanmagan.
Boshqarmaning ilmiy xodimi Marta Xugasning ta’kidlashicha, koronavirus tarqalishining avvalgi SARS-CoV (koronovirusning o‘tkir-og‘ir respirator sindromi) va MERS-CoV (koronovirusning yaqin-sharqiy respirator sindromi) tajribasi shuni ko‘rsatdiki, virusning manbasi yoki yuqishi oziq-ovqat emas.
«Interfaks»ning yozishicha tez fursatda butun dunyoga tarqalib borayotgan COVID-19 virusini EFSA sinchkovlik bilan kuzatmoqda.
Kasalliklarni oldini olish va nazorat qilish bo‘yicha Yevropa markazi (YECDC) yangi koronavirus odamdan odamga asosan havo tomchilari orqali (aksirish, yo‘talish yoki oddiygina nafas olish orqali) yuqadi. Biroq, markaz aynan hayvonlar Xitoyda boshlang‘ich infeksiyaning manbai bo‘lganini eslatgan.
Eslatib o‘tamiz, dushanba kuni Xitoyning yetakchi epidemiologi va epidemiyaga qarshi kurashish bo‘yicha maxsus komissiya rahbari Chjan Nanshan COVID-19 epidemiyasini iyungacha mag‘lubiyatga uchratishning iloji yo‘qligini aytib o‘tgan edi.