"Hamma narsa “9900 so‘mdan", "Hamma narsa 5000 so‘mdan" singari do‘konlarga duch kelgandirsiz. Bunday do‘konlarda, odatda, arzon narxlarda keraksiz narsalar sotiladi. Bu g‘oyani qahvaxonalar tarmog‘i uchun qo‘llab ko‘rish hali hech kimning xayoliga kelmagan edi. To uni isroillik biznesmen Avi Kats amalga oshirmaguncha.
Kunlarning birida
Sofix qahvaxonalar tarmog‘ining egasi hamma narsaga
bir xil narx belgiladi: sendvichlar-u sushilar, burgerlar-u qahvalarga ham. Uning
Fixed price modeli bo‘yicha har qanday mahsulot narxi 5 shekelni (taxminan, 14 ming so‘m) tashkil qiladi. Isroil uchun bu kulgili narx.
Boshida bu zarar keltiradiganday tuyuldi, ammo aksi bo‘ldi. Gap shundaki, statistikaga ko‘ra, mijoz faqatgina qahva, sushi yoki gamburger buyurtma qilmaydi. O‘rta hisobda sotuvchi baribir foyda ko‘radi.
Olti yilda, Katsning tarmog‘i ikki-uchtadan 150 ta qahvaxonaga ko‘paydi. Bu yutuq uncha yirik bo‘lmagan Isroil davlati uchun ancha yaxshi natija.
Ana shunaqa, biznesda raqobatchilarni ortda qoldirish uchun odatiy usullardan tashqari nostandart yechimlarni qo‘llashdan qo‘rqmaslik lozim.