«Real» hujumchisi Krishtianu Ronaldu «Barselona» forvardi Lionel Messi bilan raqobat borasida o‘z fikrlarini bildirib o‘tdi.«Ishonchim komil, Messi bilan raqobatimiz har ikkalamiz uchun motivasiya vazifasini bajarib beradi. Bu raqobat menga ham, unga ham, o‘sishni istagan boshqa futbolchilarga ham foydali. Messida 4ta "Oltin to‘p" bor, menda esa 3ta. Bu jahon futboli uchun ham yaxshi.
Hozir men chap oyoqda zarba berish, tezlashish va jarimalardan to‘g‘ri zarba berish ustida ishlayapman. So‘nggi paytlarda bu jihatlar menda yaxshi "o‘xshamayotgan" edi. Ishonchim komil, barchasi joyiga keladi. Bunday qiyin mashg‘ulotlarsiz hech narsaga erishib bo‘lmasligini inson tushunishi kerak.
O‘z ustimdan ishlash — men uchun eng muhimi. Agar men bir mavsum davomida 60ta o‘yinda maydonga tusha olsam, bu faqat o‘z ustimda ishlash orqalidir. Yaxshi uxlayman, to‘g‘ri ovqatlanaman. Shu tariqa hamisha komillikka intilaman. Agar bunday qilmasam, bunday ritmga dosh berib bo‘lmaydi», — deydi Krishtianu Ronaldu "France Football"ga bergan intervyusida.
Manba: www.stadion.uz