«Real» hujumchisi Krishtianu Ronaldu o‘z faoliyatida uchinchi marta «Oltin to‘p» unvoniga sazovor bo‘ldi (2008, 2013, 2014). Shu tariqa Ronaldu nufuzli sovrinni 3 marta qo‘lga kiritgan to‘rtinchi futbolchiga aylandi, deb xabar bermoqda «Stadion.uz».Eslatib o‘tamiz, Mishel Platini (1983–1985). Yoxan Kroyff («Ayaks» – 1971, «Barselona» – 1973, 1974) va Marko van Basten («Milan» – 1988, 1989, 1992) ham 3 marta dunyoning eng yaxshi futbolchisi nomini qo‘lga kiritishgan.
Hozircha faqat "Barselona" hujumchisi Lionel Messi "Oltin to‘p"ni 4 marta qo‘lga kiritgan (2009–2012).
Krishtianu Ronaldu o‘z taassurotlari bilan o‘rtoqlashdi.
«Ushbu men uchun unutilmas bo‘ldi. Bunday sovrinni qo‘lga kiritish alohida ahamiyatga ega. Bu menga yanada ilhom beradi hamda yana ko‘plab jamoaviy va individual sovrinlarni qo‘lga kiritishga harakat qilaman. "Oltin to‘p"ni oilam, onam, aka-ukalarim va otamga bag‘ishlayman. Shuningdek, bu barcha portugaliyaliklarning sovrinidir.
"Oltin to‘p"ni 3 marta qo‘lga kiritaman deb hecham o‘ylamagandim, lekin bilan to‘xtab qolmoqchi emasman. Messidan o‘tib ketishni istayman. Bunga faqat tinimsiz mehnat orqali erishish mumkin.
Ushbu sovrinni "Real" muxlislariga ham bag‘ishlayman. Biz hamisha Chempionlar ligasini o‘ninchi marta qo‘lga kiritishni istagandik», – deydi Ronaldu.
Foto: Stadion.uz