Coca-Cola logotipini yaratish tarixi 1886 yilda Nyu-York Bandargohi yaqinlarida voyaga yetgan Jon Stis Pemberton bilan uzviy bog‘liqdir. Djon Pemberton to‘liq ismi - Jon Stis Pemberton Amerikalik farmatsevt bo‘lib, u eng yaxshi ichimlik Coca-Cola asoschisi sifatida dunyoga tanilgan. Ma’lumotlarga qaraganda, Jonning farmatsevtika sohasida amalga oshirgan har qanday yangiligi dorixonalarda muvaffaqiyatsizlikka uchragan va hech qanday foyda keltirmagan.Atlantaga sayohat qilgandan keyin, Pemberton ichimliklar bozorida o‘z omadini sinab ko‘rishga qaror qiladi. Jon Pemberton yillar mobaynida son-sanoqsiz tajribalar o‘tkazishdan charchamadi. Va nihoyat, u gazlangan lazzatli ichimlik shaklidagi noyob ta’mni ixtiro qildi. Borgan sari Pemberton yaratgan ichimlik amerikaliklarning eng sevimli tanloviga aylandi. Sirop, maydalangan muz bo‘lakchalari hamda gazlangan suv - barchasi mazali ichimlikning sehrli lazzatini yanada oshirishga xizmat qilardi.
Vaqt o‘tarkan, Coca-Cola ichimligi haqidagi yaxshi fikrlar va maqtovlar butun dunyo bo‘ylab tarqala boshladi. Buyuk inqilob yillarida Coca-Cola ichimligi haqida bir rivoyat tarqalgan edi, mazmuni quyidagicha: bir odam yonidagi do‘stiga qarab, "Agarda shu qora kunlardan o‘tib olsak, seni birgalashib Coca-Cola ichishga taklif qilaman. Chunki, ayni kunlarda judayam siqilib yuribman, bir dam olishim kerak". Insonlar orasida bu ichimlik stress yoki tushkunlikdan olib chiquvchi sifatida nom qozongan edi.
Dastlab bir stakan Coca-Cola ichimligi 4 sent qilib baholangan. Pemberton vafotidan keyin Asa Griggs Sandler ismli bir yigit uning biznesini davom ettirdi. O‘z o‘rnida, Sandler eng katta e’tiborini reklamaga qaratdi. 1891 yilda u Coca-Cola kompaniyasining yagona egasiga aylandi. Garchi Pemberton bu ichimlikni yaratgan bo‘lsada, uning brendini dunyoga tanitgan Sandler hisoblanadi. Bugungi kunda siz taniydigan Coca-Cola brendi ancha yillar mobaynida rivojlantirilib, mukammallashtirilib kelingan.