O‘zbekiston Respublikasi Senati raisi Tanzila Norboyeva Feysbukdagi sahifasida Senat yig‘ilishi Shuhrat G‘aniyev masalasi ko‘rilishini ma’lum qildi. «Farg‘ona viloyati hokimi, senator Shuhrat G‘aniyevning ijtimoiy tarmoqlarda tarqalgan nutqi 2 kundan buyon jamoatchilik tomonidan qizg‘in muhokama qilib kelinmokda.
Muhokamalar jarayonida Sh.G‘aniyevning xatti-harakatlari keng omma orasida salbiy e’tirozlarga sabab bo‘lmokda. Shu munosabat bilan ushbu holat yuzasidan bugun Oliy Majlis Senatining Reglament va odob komissiyasi yig‘ilishi o‘tkazilishini ma’lum qilaman» deydi Norboyeva bayonotida.