Malayziyaning AirAsia aviakompaniyasiga tegishli Airbus 320 samolyoti qulagan joyda laynerning quyrug‘i bo‘laklari topildi. Bu haqda, Indoneziya milliy qidiruv-qutqaruv boshqarmasi boshlig‘i Henri Bambang Sulistoga asoslanib, Reuters axborot agentligi xabar bermoqda.
“Biz samolyot quyrug‘ini topdik, bu bizning bugungi asosiy maqsadimiz edi”, – deya qayd etdi Sulisto. Avialaynerning quyrug‘ida bort yozuvlari tushirilgan qora quti bo‘lishi kerak.
Avvalroq, qidiruv-qutqaruv ishlarida ishtirok etayotgan Rossiya samolyoti Yava dengizi sathida Air Asia’ning halokatga uchragan samolyotiga tegishli 300ga yaqin ob’ektni topgandi.
Eslatib o‘tamiz, Malayziyaning AirAsia aviakompaniyasiga tegishli, bortida 162 kishi bo‘lgan Airbus 320 layneri 28 dekabr, yakshanba kuni radarlardan yo‘qolgandi. Keyinroq, Indoneziyaning Surabaya shahridan Singapurga uchib ketayotgan bu samolyot bo‘laklari Yava dengizidan topildi.
Foto: RIA Novosti
Manba:
Kun.uz