Sankt-Peterburgda o‘zbekistonlik erkak do‘sti bilan O‘zbekiston fuqarosi bo‘lgan xonadosh ayolni zo‘rladi, deb xabar bermoqda Sputnik.
Ma’lum bo‘lishicha, 10 avgust kuni erta tongda Peterburg fuqarosi politsiyaga murojaat qilib, Buxarest ko‘chasidagi uy oldida zo‘rlangan o‘zbekistonlik ayolni ko‘rganini aytgan.
«Uchastka nozirining voqea joyida aniqlashicha, Dimitrova ko‘chasidagi 17-uyning xonadonida 35 yoshli jabrlanuvchi ayolning xonadoshi va vatandoshi bo‘lgan erkak o‘z do‘sti bilan uni navbat bilan zo‘rlagan», — deyiladi xabarda.
Jabrlangan ayol tez yordamda kasalxonaga olib kelingan. Shifokorlar unga ko‘krak qafasi va bosh miya yopiq jarohati tashxisini qo‘ygan. Voqea yuzasidan jinoiy ish qo‘zg‘atilgan.