“Zamin”ni Telegramʻda oʻqing! Join!
Zamin.uz
, 29 2024, 15:21
ЎЗO‘Z

Alvido, Yevroittifoq! Boris Jonson bosh vazir sifatidagi ilk nutqida nimalar haqida gapirdi?

26 iyul, 16:30 2 950 Dunyo
“Zamin”ni Telegramʻda oʻqing!
Alvido, Yevroittifoq! Boris Jonson bosh vazir sifatidagi ilk nutqida nimalar haqida gapirdi? Ingliz davlatida shakllangan udumga ko‘ra, qirolicha Yelizaveta II o‘z saroyida iqtidordagi partiya yetakchisi sifatida bosh vazir vakolatini qo‘lga kiritgan Boris Jonsonni qabul qildi va undan yangi hukumatni shakllantirishni so‘radi. Qirolicha bilan uchrashuvdan keyin Boris Jonson Buyuk Britaniya bosh vaziri o‘laroq ilk bor jamoatchilikka murojaat qildi.

Yangi hukumat rahbari, avvalo, ko‘pchilikni qiziqtirgan mavzu – Birlashgan Qirollikning Yevropa Ittifoqidan chiqishi («breksit») masalasiga oydinlik kiritdi.

«Bugun sizning qarshingizda (Britaniyaning Yevroittifoqdan chiqishi) tanqidchilari yanglishayotganini aytmoq uchun turibman. Britaniyaga qarshi dov tikkanlar so‘nggi chaqalaridan ham ayrilishiga shubham yo‘q», – dedi Boris Jonson.

Yangi bosh vazir qirollikning joriy yil 31 oktyabrga qadar YeIni tark etishiga ishonchi komil ekanini ta’kidladi.

«Biz parlamentning xalqqa bergan va’dasini bajarib, YeIdan «agar» va «biroq»larsiz 31 oktyabrga qadar chiqishga harakat qilamiz. Bu masalani 99 kundan keyin hal etishimizga zarracha gumonim yo‘q. 99 kun o‘tishini kutib o‘tirmaymiz. Britaniyaliklar shundoq ham mahtal bo‘lib qoldi. Kuchli rahbariyat yo‘rig‘i asosida harakat qilish vaqti keldi», – deya qat’iy pozitsiyasini bildirdi u.

Xo‘sh, Buyuk Britaniya YeIdan qay shart, qay tartibda chiqadi?

Rasmiy London Ittifoqni tark etish arafasida Bryussel bilan maqbul bitimga kela oladimi? Mazkur savollar ko‘pdan buyon jamoatchilik tomonidan qizg‘in muhokama etilmoqda.

2016 yil 13 iyuldan ingliz hukumati tepasiga kelgan Tereza Mey tomonidan erishilgan bitim parlamentda uch bora rad etildi. «Ikkinchi Tetcher» deb atalgan Mey xonimning muddatdan avval iste’fosiga ham bitim borasidagi muvaffaqiyatsizlik sabab bo‘ldi.

Aslida, Buyuk Britaniya joriy yil 29 martda Yevroittifoqni tark etishi rejalashtirilgan edi. Ammo ushbu muddatda tomonlar bir to‘xtamga kela olmadi. Aprel oyida esa YeIga a’zo mamlakatlar rahbarlari rasmiy Londonga 31 oktyabrga qadar muddat berdi.

Boris Jonson YeI bilan «breksit» borasida bitimga erishishga harakat qilishi, agar buning uddasidan chiqmasa, bitimsiz ham Ittifoqni tark etishga tayyorligini aytdi.

«Biz «breksit» jarayonini jadallashtirishga xizmat qiluvchi yangi, maqbul bitim imzolaymiz. Ayni choqda, ushbu bitim Yevropa bilan bundan-da manfaatli hamkorlik eshiklarini ochadi. Robitalar erkin savdo va o‘zaro yordam zamirida barpo etiladi», – dedi u.

Yangi bosh vazirga ko‘ra, Tereza Mey davrida YeI bilan erishilgan bitim ingliz xalqi manfaatiga ziddir va u qayta ko‘rib chiqilishi shart.

Avvaldan aytish joizki, Yevroittifoq bilan yangi bitim bo‘yicha muzokaralar xamirdan qil sug‘urgandek oson kechmasligi aniq. Negaki, Bryussel Tereza Mey davrida erishilgan bitimga sodiq qolishi va kelishuv shartlarini qayta muhokama etish niyatida emasligini ochiq-oshkora ma’lum qilgan.

Boris Jonson o‘z nutqida ichki xavfsizlikni ta’minlash, ta’lim, sog‘liqni saqlash va ijtimoiy ta’minotni yaxshilash, ilm-fanni rivojlantirish borasidagi vazifalarga ham to‘xtalgan.

Konservatorlar yetakchisi mamlakat demokratik qadriyatlarga sodiq qolajagini alohida ta’kidlagan. Ayni choqda, Birlashgan Qirollikning jahon hamjamiyatidagi tarixiy o‘rnini mustahkamlashga so‘z bergan.

Eslatib o‘tamiz, Boris Jonson 23 iyul kuni iqtidordagi konservatorlar partiyasi rahbari sifatida bosh vazir lavozimini egalladi. Partiya ichki saylovida u raqibi – mamlakat tashqi ishlar vaziri Jeremi Hantni dog‘da qoldirdi. Boris Jonson siyosiy karerasi davomida London meri, Buyuk Britaniya tashqi ishlar vaziri lavozimlarida faoliyat yuritgan.
Sobir Salim




Mavzuga oid yangiliklar
  • Fransiya razvedkasi markaziy osiyoliklarni kuzatishni kuchaytirmoqda 29 mar, 15:15 0
  • Putinning atrofidagilar Ukrainaning «Krokus»dagi teraktga aloqadorligiga ishonmayapti 29 mar, 14:48 1
  • Hibsdan vaqtincha ozod etilgan Dani Alves tonggacha ziyofat uyushtirdi 29 mar, 14:01 1
  • Muzliklarning erishi Yerning aylanish tezligini o‘zgartirmoqda 29 mar, 13:06 50
  • Polshada Rossiya josuslik tarmog‘i ishi bo‘yicha tintuvlar o‘tkazildi 29 mar, 12:39 39
  • Chexiya yevropalik siyosatchilarni Rossiyadan pora olish sxemasini fosh etganini da’vo qilmoqda 29 mar, 11:20 90
  • So'nggi yangiliklar
  • Putinning atrofidagilar Ukrainaning «Krokus»dagi teraktga aloqadorligiga ishonmayapti 29 mar, 14:48 0
  • O‘zbekiston — Gongkong futbol uchrashuvidan so‘ng uch kishiga ma’muriy qamoq jazosi tayinlandi 29 mar, 14:22 2
  • Hibsdan vaqtincha ozod etilgan Dani Alves tonggacha ziyofat uyushtirdi 29 mar, 14:01 1
  • Toshkentda xavfli holat sodir etib, qarama-qarshi harakatlangan haydovchiga chora ko‘rildi 29 mar, 13:30 4
  • Muzliklarning erishi Yerning aylanish tezligini o‘zgartirmoqda 29 mar, 13:06 50
  • Polshada Rossiya josuslik tarmog‘i ishi bo‘yicha tintuvlar o‘tkazildi 29 mar, 12:39 39
  • Samsung o‘z tarixidagi eng yaxshi selfi kamerali smartfonni namoyish etdi 29 mar, 12:12 23
  • Vadim Abramov: "Bunday sifatli va saviyali futbolchiga doim tarkibda joy topiladi" 29 mar, 11:50 103
  • Chexiya yevropalik siyosatchilarni Rossiyadan pora olish sxemasini fosh etganini da’vo qilmoqda 29 mar, 11:20 90
  • Shomurodovning ahvoli haqida ma’lumot berildi 29 mar, 10:53 237
  • So‘rovnoma: Nursulton Ro‘ziboyev 1-raunddayoq raqibini "uxlatib" qo‘yadi 29 mar, 10:25 122
  • Ronalduning libosini kiygan taniqli bloger Messiga aloqador restorandan haydab yuborildi 29 mar, 10:02 133
  • Bo‘limlar