Foto: Sputnik Oʻzbekistonda goʻsht importi 2019-yilning oktyabr oyigacha qoʻshilgan qiymat soligʻidan ozod etildi. Bu haqda Adliya vazirligining “Huquqiy axborot” Telegram-kanali xabar berdi.
Qayd etilishicha, hukumat qarori (591-son, 16.07.2019-y.) bilan Oʻzbekistonda ishlab chiqariladigan realizatsiya qilish oborotlari qoʻshilgan qiymat soligʻidan ozod etiladigan oziq-ovqat mahsulotlari roʻyxatiga oʻzgartirish va qoʻshimchalar kiritildi.
Kiritilgan oʻzgartirishlarga muvofiq, 2019-yil 1-oktyabrgacha boʻlgan muddatda import qilingan goʻsht (mol, qoʻy, tovuq), shuningdek tirik hayvonlar (qoramol va parranda) hamda ularning soʻyilgan mahsulotlari ham qoʻshilgan qiymat soligʻidan ozod qilindi.