2015 yil 3 dekabrda “O‘zbekiston Respublikasi Konstitusiyasi qabul qilinganligining yigirma uch yilligi munosabati bilan amnistiya to‘g‘risida”gi qaror qabul qilingan edi.
Qaror mohiyatida xalqimizga xos kechirimlilik, bag‘rikenglik, insonparvarlik tamoyillari muhim o‘rin tutgan bo‘lib, unda birinchi navbatda ayollar, jinoyat sodir etgan vaqtda 18 yoshga to‘lmagan shaxslar, 60 yoshdan oshgan erkaklar, chet el fuqarolari, nogironlarni jazodan ozod qilish nazarda tutilgan.
Toshkent viloyatining Zangiota tumanida joylashgan jazoni ijro etish muassasasida qaror ijrosini ta’minlashga oid bo‘lib o‘tgan ochiq sud majlisida o‘n nafardan ziyod mahbus amnistiya aktiga muvofiq ozodlikka chiqarildi, deb
xabar beradi Uz24.uz nashri.
Qaror ijrosini ta’minlash jarayonida jazoni o‘tash joylaridan ozodlikka chiqarilganlarning ijtimoiy-maishiy ta’minoti va ularni ishga joylashtirish masalalariga alohida e’tibor qaratilmoqda. Joylardagi hokimliklar huzuridagi maxsus komissiyalar, ijtimoiy ko‘nikma markazlari tomonidan ularga ijtimoiy-maishiy, moddiy yordam ko‘rsatilmoqda.