O‘zbekistonda so‘nggi paytlarda pochta jo‘natmalarida yuborilishi taqiqlangan narsa yoki moddalarni jo‘natish holatlari soni ortgan. Bu haqda “O‘zbekiston pochtasi” matbuot xizmati'ga asoslanib “Kun.uz” ma’lum qildi
.
Kompaniya matbuot xizmatining ma’lum qilishicha, “pochta jo‘natmalarida aniqlangan yuborilishi taqiqlangan narsa yoki moddalar olib qo‘yiladi, alohida hollarda esa tekshirish hujjatlari tegishli huquqni muhofaza qiluvchi organlarga topshiriladi”.
Bundan tashqari, pochta jo‘natmasida yuborilishi taqiqlangan narsa yoki moddalar aniqlangan holatlarda, bojxona organlari tomonidan tegishli tadbirlarni o‘tkazilishi sababli ushbu pochta jo‘natmasini oluvchiga etkazib berish muddatlari uzaytirilishi mumkin.
“Xalqaro pochta jo‘natmasini jo‘natuvchi, O‘zbekistonga yuborilishi taqiqlangan narsa va moddalar ro‘yxati bilan pochta jo‘natmasini jo‘natayotgan mamlakatning pochta xizmatida tanishishi mumkin. O‘zbekiston fuqarolari yuborilishi taqiqlangan hamda cheklangan narsa va moddalarning ro‘yxati bilan xar bir pochta aloqasi ob’ektida tanishish imkoniyatiga ega”, – deyiladi kompaniya xabarida.
“O‘zbekiston pochtasi” borilishi taqiqlangan narsa yoki moddalarni jo‘natish holatlari soni aynan qanchaga ortgani, asosan aynan qanday taqiqlangan narsa va moddalar jo‘natilayotganiga aniqlik kiritmagan.