O‘zbekiston milliy terma jamoasi tarkibida faoliyatidagi ketma-ket to‘rtinchi qit’a chempionatiga yo‘l olishidan avval, Timur Kapadze “Lokomotiv” bilan shartnoma imzoladi. Bu haqida “lokomotiv.uz”ga asoslanib “kun.uz”
.Bu shartnoma necha yilga va qanday shartlar asosida tuzilgani ma’lum qilinmagan.
Ma’lumot uchun, faoliyatini “Neftchi” o‘rinbosarlari safida, hujumchi ampluasida boshlagan ushbu futbolchi, 2002 yildan boshlab, “Paxtakor” safida o‘ynay boshlagan. Shu yilning o‘zidayoq terma jamoadagi debyutini nishonlagan Kapadze, 2008 yil erkin agent sifatida “Bunyodkor” tarkibidan joy oldi. Osiyo Kubogi – 2011dagi muvaffaqiyatdan keyin uni Janubiy Koreyaning “Inchxon Yunayted” jamoasi o‘z tarkibiga qo‘shib oldi. 2012 yilda yarim mavsum “Sharja” jamoasida faoliyat yuritgan farg‘onalik futbolchi, 2012 yil “Aktobe” libosini kiygan edi.
Eslatib o‘tamiz, biroz oldinroq “Olmaliq” yarimhimoyachisi Sanjar Shoahmedov va “Bunyodkor” futbolchisi Oleg Zoteev ham “Lokomotiv” jamoasiga o‘tishgandi.