Nyu-Yorkdan Qatar poytaxti Dohaga uchib ketayotgan “Qatar Airways” aviakompaniyasiga tegishli samolyot yo‘lning yarmida mast bo‘lib, to‘polon qilgan yo‘lovchi tufayli Manchester aeroportiga qo‘nishga majbur bo‘ldi. “Samolyotda tinchlikni buzayotgan yo‘lovchi bo‘lgan. Shuning uchun samolyot Manchesterda to‘xtashga majbur bo‘ldi”, deb axborot berdi “Daily Mail” gazetasi aeroport vakilining gaplariga iqtibos keltirgan holda.
“Daily Mail”ga asoslanib, “ria.ru” nashrining xabar berishicha, polisiya u tufayli uchish polosasida ikki soat davomida turishga majbur bo‘lgan bu yo‘lovchini qo‘lga oldi.
Shuningdek, samolyotda bo‘lgan boshqa ayol yo‘lovchi samolyot qo‘ngandan keyin o‘zini yomon his qila boshlagan va unga tibbiy yordam kerak bo‘lgan. Ayol Angliyadagi shifoxonada qolgan.