Navroʻz bayrami munosabati bilan bu yil haftasiga 5 kun ishlovchi oʻzbekistonliklar ketma-ket 4 kun dam olishadi.
Prezidentning 2018 yil 12 noyabrdagi PF-5574-sonli Farmoni bilan 2019 yilda rasmiy sanalarni nishonlash davrida qoʻshimcha ishlanmaydigan kunlar belgilanib, dam olish kunlari koʻchirilgan edi.
Quyida bayram arafasidagi dam olish kunlari haqidagi maʼlumot keltiriladi. Haftasiga 5 kun ishlovchi xodimlarga quyidagi kunlar (4 kun ketma-ket) dam olish kuni hisoblanadi: 21 mart – payshanba (Navroʻz bayrami); 22 mart – juma (qoʻshimcha dam olish kuni); 23 mart – shanba; 24 mart – yakshanba.
Haftasiga 6 kun ishlovchi xodimlarga quyidagi kunlar dam olish kuni hisoblanadi: 21 mart – payshanba (Navroʻz bayrami); 22 mart – juma (qoʻshimcha dam olish kuni); 24 mart – yakshanba.
Haftasiga 6 kun ishlovchi xodimlar 23 mart (shanba) kuni ishga chiqishlari lozim.