27 yanvar, yakshanba kuni futbol bo‘yicha Germaniya Bundesligasining 19-turi doirasida so‘nggi 2 ta bellashuv bo‘lib o‘tdi.Musobaqa jadvalida 2-o‘rinda borayotgan Myunxenning «Bavariya» klubi o‘z maydonida «Shtutgart»ni qabul qildi va yirik 4:1 hisobida g‘alaba qozondi.
1-bo‘limning 5-daqiqasidayoq «Bavariya» yarim himoyachisi Tyago Alkantara hisobni ochgan bo‘lsa, 26-daqiqaga kelib raqib jamoa a’zosi Anastasios Donis hisobni tenglashtirdi (1:1).
2-bo‘limning 55-daqiqasida 1-golga assistentlik qilgan Kristian Gentner o‘z darvozasini ishg‘ol qilib qo‘ydi (2:1). Oradan 10-daqiqa o‘tib, «Shtutgart» darvozasiga penalti belgilandi, ammo Robert Levandovski ushbu vaziyatdan unumli foydalana olmadi. 71-daqiqada Leon Goretska Yosua Kimmix uzatgan to‘pni darvozaga joylab qo‘ydi va hisobni yiriklashtirdi (3:1). 84-daqiqaga kelib, Robert Levandovski xatosini to‘g‘irladi va o‘z hisobiga bitta gol yozdirib qo‘ydi (4:1).
Shu tariqa Niko Kovach shogirdlari navbatdagi 3 ochkoga ega bo‘ldi.
«Fortuna D» jamoasi o‘z maydonida «Leypsig»ga 0:4 hisobida mag‘lub bo‘ldi.
19-tur bahslarida so‘ng musobaqa jadvalidagi holat:
Bundesliga 19-tur bahslari
27 yanvar, yakshanba
«Bavariya»—«Shtutgart» 4:1
Gollar: 1:0 – 5 Alkantara, 1:1 — 26 Donis, 2:1 — 55, avtogol, Gentner, 3:1 — 71 Goretska, 4:1 — 84 Levandovki.
«Bavariya»: Noyer, Kimmix, Sule, Hummels, Alaba, Martines (Gnabri, 46), Alkantara, Goretska, Myuller (Rodriges, 74), Levandovski, Koman (Devis, 86).
«Shtutgart»: Siler, Bek, Kabak, Kempf, Insua, Essvayn (Sosa, 90), Gentner, Askasibar, Suber (Didavi, 87), Donis (Tommi, 74), Gonsales.
Ogohlantirishlar: Alaba (32), Gentner (66).
«Fortuna D»—«Leypsig» 0:4
Gollar: 0:1 — 2 Poulsen, 0:2 — 9 Orban, 0:3 — 16 Poulsen, 0:4 — 68 Laymer.