FIA nashri “Formula-1″ musobaqalarining kelgusi mavsumda ishtirok etish istagini bildirgan jamoalar ro‘yxati va ushbu jamoalarning pilotlari nomini e’lon qildi, deb
xabar bermoqda kun.uz.
Lekin, bu ro‘yxatda qayd etilgan “Manor” va “Katerxem” jamoalaridagi ba’zi muammolar keyinchalik bu jamoalarning turnirdan chiqib ketishiga sabab bo‘lishi ham mumkin. Ro‘yxatda 11 jamoa nomi keltirilgan, shulardan 9tasi mavsumga to‘la tayyor holda va start berilishini kutmoqda. “Manor” va “Katerxem” jamoalari esa moliyaviy muammolar tufayli haligacha musobaqalarga qo‘yish uchun poygachi yollay olmagan.
Quyida mavsum turnirlarida ishtirok etish maqsadida ariza topshirgan jamoalar ro‘yxati keltirilgan.
1. “Mersedes” (“Mersedes” motorli poyga mashinalarida): Lyuis Xemilton (Buyuk Britaniya), Niko Rosberg (Germaniya);
2. “Red Bull” (“Reno”): Daniel Rikkyardo (Avstraliya), Daniil Kvyat (Rossiya);
3. “Uilyams” (Mersedes”): Felipe Massa (Braziliya), Valtteri Bottas (Finlyandiya);
4. “Ferrari” (“Ferrari”): Sebastyan Fettel (Germaniya), Kimi Raykkonen (Finlyandiya);
5. “Maklaren” (“Xonda”): Fernando Alonso (Ispaniya), Jenson Batton (Buyuk Britaniya);
6. “Fors Indiya” (“Mersedes”): Niko Xyulkenberg (Germaniya), Serxio Peres (Meksika);
7. “Toro Rosso” (“Reno”): Maks Ferstappen (Niderlandiya), Kichik Karlos Sayns (Ispaniya);
8. “Zauber” (“Ferrari”): Markus Eriksson (Shvesiya), Felipe Nasr (Braziliya);
9. “Lotus” (“Mersedes”): Romen Grojan (Fransiya), Pastor Maldonado (Venesuela);
10. “Manor” (“Ferrari”): poygachisi yo‘q;
11. “Katerxem” (“Reno”): poygachisi yo‘q;