“Zamin”ni Telegramʻda oʻqing! Join!
Zamin.uz
, 07 2021, 23:38
ЎЗO‘Z

Shavkat Mirziyoyev Chirchiqda maxsus-taktik mashqlarni kuzatdi (foto)

28 noya, 18:30 4 867 Jamiyat
“Zamin”ni Telegramʻda oʻqing!
Shavkat Mirziyoyev Chirchiqda maxsus-taktik mashqlarni kuzatdi (foto) O‘zbekiston Respublikasi prezidenti, Qurolli Kuchlar oliy bosh qo‘mondoni Shavkat Mirziyoyev 28 noyabr kuni Chirchiq dala o‘quv maydonida yuqori darajadagi jangovar shaylikka keltirilgan bo‘linmalarning maxsus-taktik mashqlarini kuzatdi, deb xabar bermoqda prezident matbuot xizmati.

Mudofaa vazirligi harbiy qismlarining jangovar tayyorgarligini kompleks tekshirish maqsadida 26 noyabr tongda «Trevoga!» signali berildi. Shu paytgacha mamlakat armiyasida bunday keng ko‘lamli to‘satdan tekshiruv o‘tkazilmagan.

Signaldan so‘ng Mudofaa vazirligi markaziy apparati, barcha harbiy okrug va bo‘linmalarda zarur tashkiliy ishlar amalga oshirildi. Harbiy poligonlarda bir nechta maxsus-taktik mashg‘ulotlar o‘tkazildi.

Chirchiq dala o‘quv maydonida o‘tkazilgan mashg‘ulotlarda havo-desantchilari, artilleriyachilar, motoo‘qchilar, tankchilar, maxsus operatsiya kuchlari hamda Harbiy havo kuchlari bo‘linmalari qatnashdi.

Shartli dushman bazalariga va u joylashgan hududlarga O‘zbekiston Respublikasi Mudofaa vazirligi harbiy havo kuchlari tarkibidagi qiruvchi samolyotlar va vertolyotlardan zarbalar berildi.

Shundan keyin jang maydonida zirhli qalqon tankchilar bo‘linmasi paydo bo‘ldi. Ular tank biatlonida qo‘llaniladigan “Suvli to‘siq”, “Eskarp” va “Tirsakli ko‘prik”dan mohirona o‘tib, belgilangan marrani egalladi.

Mudofaa operatsiyasini olib borish jarayonida, shartli og‘ir yaralangan harbiy xizmatchilarni jang maydonidan olib chiqish, vertolyotda evakuatsiya qilish jarayoni namoyish etildi.

Zamonaviy jangovar vertolyotlar shaxsiy tarkibni belgilangan hududga desantlashtirdi. Parashyut-desant bataloni xizmatchilari marralar oralig‘idan suqilib kirgan shartli dushmanni umumqo‘shin zaxira kuch va vositalari bilan yakson qilish vazifasini muvaffaqiyatli bajardi.

Mashg‘ulotlarni harbiy-ma’muriy sektorlar, tegishli vazirlik va idoralar rahbarlari ham kuzatib bordi.













Mavzuga oid yangiliklar
  • O‘zbekiston armiyasidagi eng katta va zamonaviy ko‘rinishdagi poligonlar 10taligi (foto) 05 mar, 11:27
  • Markaziy harbiy okrugi jangovar tayyorgarlikning yangicha usullarini namoyish etdi 20 avg, 12:16
  • O‘zbekiston va Belarus harbiy mashg‘ulotlarining ochilish marosimi bo‘lib o‘tdi (foto, video) 20 мая, 08:23
  • O‘zbekiston, Turkiya va Pokiston bilan «Forish»dagi qo‘shma mashg‘ulotlar yakuniga yetdi (foto, video) 26 apr, 23:43
  • Harbiylarimiz AQShda o‘tayotgan «Janubiy zarba» mashg‘ulotlarida qatnashmoqda (foto) 28 yanv, 11:56
  • Shavkat Mirziyoyev Nukusda harbiy xizmatchilar bilan suhbatlashdi 16 noya, 18:16
  • So'nggi yangiliklar
  • Yangi Konstitutsiyaning asosiy mezonlari aytildi 07 dek, 23:30 0
  • Putin va Bayden o‘rtasidagi muzokaralar ikki soat davom etdi 07 dek, 23:12 1
  • Hech kim mehr va e’tibordan chetda qolmaydi 07 dek, 23:10 0
  • Biznes boshlamoqchi bo‘lgan sobiq mahkumlarga davlat pul beradi 07 dek, 23:03 0
  • Mutaxassis ozishdagi eng xavfli xatoni aytdi 07 dek, 22:36 1
  • Toshkentda jahon chempionatiga rasman start berildi 07 dek, 22:14 0
  • Yangi Konstitutsiya qabul qilinadi 07 dek, 22:00 1
  • Shavkat Mirziyoyev O‘zbekiston xalqini 8 dekabr — Konstitutsiya bayrami bilan tabrikladi 07 dek, 21:48 94
  • O‘zbekiston—Qozog‘iston biznes-forumida qariyb 6 mlrd dollarlik loyihalar imzolandi 07 dek, 21:43 90
  • Yashil loviyaning qanday foydali xususiyatlari bor? 07 dek, 21:21 101
  • Umid Iskandarov sobiq rafiqasi Renata Iskandarova bilan ajrashishiga nima sabab bo‘lgan edi? 07 dek, 20:47 248
  • Superliga 2022 yilgi mavsumi boshlanish sanasi ma’lum bo‘ldi 07 dek, 20:20 286
  • Bo‘limlar