Odamning burni harorati o‘zgarishi uning yolg‘on so‘zlayotganini oshkor qilarkan. Bunday xulosaga Granada universiteti olimlari kelishdi.Olimlar tajriba o‘tkazib, sinaluvchilar guruhiga o‘z yaqinlarini telefon orqali aldashni taklif qilishgan. Sinaluvchilar ortidan teplovizorlar yordamida kuzatilgan. Aniqlanishicha, inson aldamoqchi bo‘lganda, burni harorati 1,2 gradusga kamayib, peshonasi esa, aksincha, 1,5 gradusga qizigan.
Olimlarning fikricha, haroratning pasayishini yolg‘on so‘zlashga majbur bo‘layotgan inson his qiladigan hayajon keltirib chiqaradi. Bundan tashqari, yolg‘on so‘zlayotgan odamda aqliy ish kuchayadi, bu esa peshona haroratining oshishiga olib keladi.