Xorazm viloyati Yangiariq tumani IIBga mahalliy fuqarodan “VAZ-2103” rusumli “Jiguli” avtomashinasi o‘g‘irlangani haqida ariza kelib tushdi. Bu haqda O‘zbekiston IIVning “Na postu” gazetasi xabar bermoqda, deb yozadi kun.uz.
Jabrlanuvchining so‘zlariga ko‘ra, u besh daqiqaga do‘konga kirib ketganida, avtomobil o‘g‘irlab ketilgan. Tezkor choralar natijasida avtomobil viloyatning Urganch tumanidan topilgan.
“Ma’lum vaqt o‘tib, mashinani olib qochgan shaxs ham topildi. Bu – hech qayerda ishlamaydigan 26 yoshli fuqaro bo‘lib chiqdi. U o‘z aybiga iqror bo‘lib, “sayr qilgisi kelgani sabab” mashinani olib qochganini aytdi”, – deyiladi xabarda.