Kuvayt sentyabrda AQSHga neft yetkazib berishni toʻliq toʻxtatdi. Bunday holat Kuvayt Iroq bilan harbiy ixtilof sababli neft eksportini toʻxtatishiga toʻgʻri kelgan 1992 yildan beri birinchi marta yuz berdi.Bloomberg axborot agentligining fikricha, Kuvayt AQSHga yetkaziladigan neftni kattaroq talab kuzatilayotgan Osiyoga yoʻnaltiradi.
“Eronga qarshi sanksiyalar boshqa ishlab chiqaruvchilarga AQSHdagidan koʻra narxlar yuqoriroq boʻlgan Osiyoda koʻproq neft sotishga imkon beradi”, deb aytgan Lipow Oil Associates konsalting firmasi rahbari Endi Lipou.
Kuvayt nefti Osiyoda bir barreli uchun 80 dollarga, AQSHda esa 79 dollarga sotilmoqda.
Maʼlum qilinishicha, ayni vaqtda Kuvaytning eksport qilinuvchi 80 foiz nefti Osiyoga yetkaziladi.