UzCard faoliyati qayta tiklandi, deb xabar qildi mahalliy bank kartalar operatori.“UzCard tizimida ”noxush hodisa“ yuz berganidan soʻng kompaniyamiz mutaxassislari tomonidan uni bataraf etish va protsessing markazi faoliyatini tiklash hamda kartalardagi maʼlumotlarni saqlab qolish uchun barcha choralar koʻrildi. Shuningdek ushbu hodisa yuzasidan taftish oʻtkazildi. Tizimni qayta tiklash uchun oʻz mutaxassislarimizdan tashqari hamkor kompaniyalardan ham mutaxassislar taklif qilindi”, - deyilgan kompaniya xabarida.
Amalga oshirilgan ishlar natijasida barcha texnik va dastur muammolari bartaraf etildi. Ayni damda UzCard tizimi faoliyatini toʻliq tiklash uchun bosqichma-bosqich ishlar olib borilmoqda.