Bugun Qozogʻiston Premyer-ligasida 26-tur oʻyinlari boʻlib oʻtmoqda.
Hamyurtimiz Server Jeparov faoliyat olib boradigan “Jetisu” klubi safarda “Tobol”ga qarshi bahs olib bordi. Osiyoning ikki karra eng yaxshi futbolchisi - Jeparov mazkur oʻyinni asosiy tarkibda boshladi.
Bugungi uchrashuv Jeparov uchun “Jetisu” safidagi debyut oʻyini boʻlganligini taʼkidlash joiz. Eʼtiborlisi, 80-raqamda oʻynaydigan Server 80-daqiqada penaltidan gol kiritib, raqib darvozasini ishgʻol etishga erishdi. Uchrashuv esa 2:2 hisobi bilan yakuniga yetdi.