“Zamin”ni Telegramʻda oʻqing! Join!
Zamin.uz
, 18 2021, 09:59
ЎЗO‘Z

Shahlo Ahmedova va Jasur Umirovning kliplarini namoyish etishga ruxsat berilmadi

16 iyul, 21:00 5 346 Madaniyat
“Zamin”ni Telegramʻda oʻqing!
Shahlo Ahmedova va Jasur Umirovning kliplarini namoyish etishga ruxsat berilmadi «O‘zbekkonsert» davlat muassasasi qoshidagi Qo‘shiqlar va ularga ishlangan videokliplar saviyasini baholash Badiiy kengashining navbatdagi yig‘ilishi bo‘lib o‘tdi. Kengashda 10 nafar xonanda tomonidan taqdim etilgan videokliplar ko‘rib chiqildi.

Videokliplarni baholashda Kengash a’zolari ijodiy ishdagi badiiy va professional yondashuvlarga hamda xalqimiz tarbiyasi va dunyoqarashiga ta’sir etish darajasiga e’tibor qaratdi. Bu haqda «O‘zbekkonsert» DM axborot xizmati xabar berdi.

Yig‘ilishda O‘zbekistonda xizmat ko‘rsatgan artist Lola Ahmedovaning «Erka desam», «Nihol» mukofoti sovrindori Manzura Yuldashevaning ozarbayjon tilida kuylangan «Man bir ayri», xonanda Xurshid Rasulovning «Yoshligimga qaytgim keladi», xonanda (Shahzoda) Zilola Musayevaning «Jajji qizaloq» hamda xonanda Navro‘z Sobirovning «Bu tuproq» deb nomlangan qo‘shiqlariga ishlangan kliplari muhokama etilib, ushbu ijrochilarga kliplardagi ba’zi juz’iy kadrlarni to‘g‘rilash sharti bilan efirga uzatish uchun tavsiya berildi.

Xonanda Shahlo Axmedova ijro etgan «Indama» qo‘shiq matni she’riyat talablariga mutlaqo javob bermasligi, «oldi-qochdi» jumlalardan iboratligi, unga ishlangan videoklipdagi tasvirlarda milliy mentalitetimizga mos bo‘lmagan, ma’naviyatimizga zid xatti-harakatlar, «ommaviy madaniyat»ni targ‘ib qiluvchi raqslar aks etganligi bois ushbu klip rad etildi.

Xonanda Hadicha Qurbonova ijro etgan «Yolg‘iz qiz» qo‘shig‘iga ishlangan videoklip to‘liq nihoyasiga yetmaganligi hamda musiqasini milliy cholg‘ular asosida boyitish kerakligi tushuntirildi. Xonandaga klipni tayyor holda navbatdagi Kengashga topshirilishi ma’lum qilindi.

Xonanda Jasur Umirov ijrosidagi «Xo‘rlandi yurak» qo‘shig‘iga ishlangan videoklipda kompyuter grafikasidan o‘rinli foydalanilmaganligi, qo‘shiq matni mazmunan sayozligi va videoklipdagi ayrim o‘rinsiz kadrlar olib tashlanishi lozimligi ijodkorga tushuntirilib, ushbu klip rad etildi.

Xonanda Nodir Niyozov tomonidan ijro qilingan «Ona» qo‘shig‘i matni yaxshi yozilgani e’tirof etilib, klipdagi tushunarsiz kadrlarga e’tiroz bildirildi. Mazkur kamchiliklar bartaraf etilgandan so‘ng, xonandaning videoklipi Badiiy kengashda qayta ko‘rib chiqiladigan bo‘ldi.

Xonanda Elvira Yusupova («Ko‘k choy» guruhi) ijro etgan «I love you, Bukhara» qo‘shig‘iga ishlangan videoklipdagi ayrim juz’iy kamchilik, ya’ni yigit tomonidan qizni ko‘tarish raqsi sahnasini olib tashlash tavsiya etildi. Xonanda tomonidan joyida to‘g‘rilanganligi uchun ruxsat berildi.

«Omma e’tiboriga taqdim etilayotgan har bir videoklip tomoshabin tarbiyasiga ta’sir etuvchi muhim kuchga ega. Xonandalar mana shu mas’uliyat asosida ijodiy ishlarini yaratsalar, maqsadga muvofiq bo‘lardi.

Kengash a’zolari tomonidan xonandalarga qo‘shiqlar va ularga ishlangan videokliplardagi qo‘shiq matni, musiqasi, videoklip dasturi (ssenariysi)ning g‘oyaviy-badiiy darajasiga alohida e’tibor qaratishini, shuningdek, odob-axloq qoidalariga, sahna madaniyati va tashqi ko‘rinish madaniyatiga zid bo‘lgan xatti-harakatlar qilishi hamda ma’naviyatga salbiy ta’sir ko‘rsatuvchi, tomoshabinlarning his-tuyg‘ularini haqorat qiluvchi holatlarning oldini olishga e’tibor qaratishi lozimligi tushintirib kelinmoqda», deyiladi axborotda.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Badiiy Kengash Jahongir Otajonovning klipini o‘tkazmadi 06 dek, 18:22
  • Munisa va Manzura kliplarida kamchilik topildi 10 sen, 14:57
  • Kanizaning klipi tasdiqlandi, Manzura va Bahriddin Zuhriddinovniki oʻtmadi 07 sen, 16:43
  • Gulsanam Mamazoitovaga professional shoirlar bilan yaxshi asarlar yaratish tavsiya qilindi 31 iyul, 07:30
  • Hulkar Abdullayevaga so‘nggi video klipini qayta to‘g‘rilash tavsiya etildi 13 мая, 14:39
  • Nima uchun xonanda Rayhonning klipi «O‘zbekkonsert» badiiy kengashidan o‘tmadi? 13 мая, 11:38
  • So'nggi yangiliklar
  • Jizzaxda qoidani buzgan haydovchini so‘kkan YPX xodimiga nisbatan xizmat tekshiruvi tayinlandi 18 apr, 09:16 0
  • Afg‘on yo‘lagi Markaziy Osiyo taraqqiyotiga qanday hissa qo‘shadi? 18 apr, 08:38 2
  • «Bino cho‘kkanini ta’mir paytida bilib qolishgan» — qurilish vaziri «Navro‘z» to‘yxonasi haqida 18 apr, 08:00 4
  • Surxondaryoda 46 yoshli erkak daraxtdan dovuchcha olayotgan voyaga yetmagan bolani pichoqlab qo‘ydi 18 apr, 07:00 97
  • "Barselona" yirik hisobda g‘alaba qozonib, Ispaniya Kubogini qo‘lga kiritdi! 18 apr, 05:15 439
  • "Traktor" - "Sharja" uchrashuvida "Paxtakor" uchun qulay hisob qayd etildi 18 apr, 01:42 901
  • Legionerimiz muhim golga assistentlik qildi (video) 18 apr, 01:39 729
  • Markaziy Osiyo derbisida imkoniyatlar qanday? Yoxud terma jamoa ustozining Saudiyadagi rejalari haqida 18 apr, 00:23 683
  • Boks. Jahon chempionatida bugun mag‘lubiyat bo‘ldimi? 18 apr, 00:00 1 046
  • Rossiya FXX Belarusda davlat to‘ntarishining oldi olinganini ma’lum qildi 17 apr, 23:55 867
  • Rossiya Ukrainaga bostirib kiradimi? 17 apr, 23:23 1 224
  • OCHL. "Paxtakor" ikkinchi o‘yinda ham ochko yo‘qotdi 17 apr, 22:46 728
  • Bo‘limlar