Temir yo‘ldan o‘tish yo‘l-harakati qoidasi buzilishi haydovchining o‘limiga sabab bo‘ldi, deb xabar berdi "Xabar" nashri O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasiga tayanib.Ma’lum qilinishicha, Toshkent viloyatining Qibray tumanida 16 may kuni O‘rtachirchiq tumanida yashagan T.B. o‘ziga biriktirilgan «MAN» rusumli yuk avtomashinasini Baytqo‘rg‘on mahallasidan o‘tuvchi «Bo‘zsuv-Oqqovoq» temir yo‘lining 4402-km.da qo‘riqlanmaydigan temir yo‘l kesishmasidan o‘tayotganida elektrovoz bilan to‘qnashuv sodir bo‘lgan. Natijada yuk avtomashinasi haydovchisi T.B. jarohat olib voqea joyida vafot etgan.